Arogya Vima – स्वस्त आरोग्य विमा ज्येष्ठांनाही मिळू शकतो, पण नेमका कसा?

स्वस्त आरोग्य विमा ज्येष्ठांनाही मिळू शकतो, पण नेमका कसा?

कमी वयात विमा घेतल्यास स्वस्त पडतो. ६० वर्षे वयानंतर विमा बराच महाग पडतो. मात्र काही गोष्टींची काळजी घेतल्यास ज्येष्ठांनाही स्वस्त आरोग्य विमा मिळू शकतो. स्वस्त आरोग्य विमा मिळण्यासाठी ज्येष्ठांनी हे करावे….. विविध कंपन्यांच्या पॉलिसींची तुलना करा. कंपन्या खास ज्येष्ठांसाठी स्वस्त आरोग्य विमा प्लॅन देत असतात.
डिडक्टिबल आणि को-पे सुविधांसह आरोग्य विमा घेतल्यास तो स्वस्त पडतो. यात आजारी पडल्यास काही रक्कम विमाधारकास अदा करावी लागते. उदा. तुमचे डिडक्टिबल ५ लाख रुपये आणि क्लेम ८ लाखांचा असेल, तर तुम्हाला आधी ५ लाख रुपये द्यावे लागतील. त्यानंतर उरलेले ३ लाख रुपये कंपनी देईल. तसेच तुमचे को- पे २० टक्के असेल आणि रुग्णालयाचे बिल २ लाख रुपये असेल, तर तुम्हाला ४० हजार रुपये भरावे लागतील. उरलेली रक्कम विमा कंपनी देईल.
कमी हप्त्यात जास्त कव्हरेज हवे असल्यास सुपर टॉप-अप प्लॅन तुम्ही घेऊ शकता. उदा. तुमची पॉलिसी ३ लाख रुपयांची आहे आणि ७ लाख रुपये रुग्णालयाचे बिल आहे. अशा स्थितीत ३ लाख रुपये विमा कंपनी देईल आणि उरलेले ४ लाख रुपये सुपर टॉप-अप पॉलिसीमधून मिळतील.
वजनावर नियंत्रण ठेवून तुम्ही स्वस्त विम्याचा लाभ घेऊ शकता. आरोग्य पॉलिसी ३ वर्षांची घेतली, तर तुम्हाला हप्त्यात १५ टक्के सवलत मिळू शकते. तसेच जितका कमी वयात विमा
घेतला तितका तो स्वस्त पडतो.