IBPS: ऑफिस असिस्टंट भरती परीक्षेचे अॅडमिट कार्ड जारी

IBPS RRB Prelims Admit Card 2020

IBPS: ऑफिस असिस्टंट भरती परीक्षेचे अॅडमिट कार्ड जारी

आयबीपीएस आरआरबीच्या पूर्व परीक्षा २०२० लांबणीवर टाकण्याचा निर्णय मागे…

IBPS RRB prelims admit card 2020: इन्स्टिट्यूट ऑफ बँकिंग पर्सनल सिलेक्शन (IBPS) ने आरआरबी पूर्व परीक्षा २०२० संदर्भातील आपला निर्णय मागे घेतला आहे. एक दिवसापूर्वी म्हणजेच सोमवारी ही परीक्षा काही अपरिहार्य कारणास्तव स्थगित करण्यात येत असल्याची घोषणा आयबीपीएसने केली होती. मात्र मंगळवारी ताज्या निर्णयानुसार या परीक्षा लांबणीवर न टाकता नियोजित वेळेतच होतील असे संस्थेने स्पष्ट केले आहे. आयबीपीएस आरआरबी ऑफिसर्स स्केल १ साठी पूर्व परीक्षा १२ आणि १३ सप्टेंबर २०२० रोजीच नियोजित वेळापत्रकानुसार होणार आहेत. या परीक्षांचे प्रवेशपत्र देखील आयबीपीएसने जारी केले आहे. तर ऑफिस असिस्टंट पदासाठी १९, २० आणि २६ सप्टेंबर २०२० रोजी परीक्षा होईल.

आयबीपीएसचे अधिकृत संकेतस्थळ ibps.in वर जाऊन उमेदवारांना प्रवेश पत्र डाऊनलोड करता येणार आहे. या वृत्ताच्या अखेरीस आम्ही प्रवेशपत्र डाऊनलोड करण्याची थेट लिंक देत आहोत. ऑफिस असिस्टंट पदासाठी परीक्षा ऑनलाइन स्वरुपात होणार आहे. १९, २० आणि २६ सप्टेंबर २०२० रोजी ही परीक्षा होईल. पूर्व आणि मुख्य अशा दोन टप्प्यांत ही परीक्षा होणार आहे. जे उमेदवार पूर्व परीक्षेत पात्र ठरतील, त्यांना मुख्य परीक्षेत सहभागी होता येईल.

उमेदवारांना अॅडमिट कार्डवर दिलेल्या किंवा एसएमएस / मेलद्वारे त्यांच्या रजिस्टर्ड मोबाइल क्रमांकाद्वारे परीक्षा केंद्रावर किती वाजता पोहोचायचे तो स्लॉट देण्यात येईल. या दिलेल्या स्लॉटमध्येच त्यांनी परीक्षा केंद्रावर पोहोचणे बंधनकारक आहे.

उमेदवारांनी मास्क, ग्लोव्ह्ज, पाण्याची पारदर्शक बाटली, वैयक्तिक सॅनिटायझर (५० एमएल), एक साधं पेन, परीक्षेसंदर्भातील कागदपत्रे (कॉल लेटर/अॅडमिट कार्ड, आयडी कार्ड (ओरिजनल), आयडी कार्डची फोटोकॉपी) आदी सोबत बाळगायचे आहे.

थेट लिंकद्वारे अॅडमिट कार्ड डाऊनलोड करण्यासाठी येथे क्लिक करा.

IBPS RRB पूर्व परीक्षांसंदर्भान नवे परिपत्रक वाचण्यासाठी  येथे क्लिक करा.

Leave A Reply

Your email address will not be published.

व्हाट्सअँप ग्रुप जॉईन करा!