दहावी उत्तीर्ण उमेदवारांसाठी भारतीय तटरक्षक दलात भरती

ICG Recruitment 2020

दहावी उत्तीर्ण उमेदवारांसाठी भारतीय तटरक्षक दलात भरती

दहावी उत्तीर्ण उमेदवारांसाठी भारतीय तटरक्षक दलात भरती प्रक्रिया सुरू होत आहे…

Indian Coast Guard Navik (DB) Recruitment 2020: दहावी उत्तीर्ण उमेदवारांसाठी केंद्र सरकारी नोकरीची संधी चालून आली आहे. भारतीय तटरक्षक दलात भरतीसाठी नोटिफिकेशन निघाले आहे. तटरक्षक दलाच्या देशांतर्गत शाखेत ही भरती होणार आहे.

या भरतीविषयीची अधिक माहिती या वृत्तात देत आहोत. सोबतच वृत्ताच्या अखेरीस नोटिफिकेशनची लिंकही देत आहोत. किती पदे, अर्ज प्रक्रिया कधीपासून सुरू होणार याबाबत सविस्तरपणे जाणून घ्या.

कुक आणि स्टिवर्ड पदांसाठी ही भरती होत आहे. Navik (DB) 01/2021 बॅचसाठी ही भरती प्रक्रिया सुरू केली जात आहे. साधारणपणे ५० जागा रिक्त आहेत.

ज्या उमेदवारांना भारतीय तटरक्षक दलाच्या नाविक (DB) पदांसाठी अर्ज करण्याची इच्छा आहे, त्यांनी तटरक्षक दलाच्या अधिकृत संकेतस्थळाला भेट देऊन अधिक माहिती जाणून घ्यावी. joinindiancoastguard.gov.in या संकेतस्थळावर उमेदवारांना तपशीलवार माहिती मिळेल.

अर्ज प्रक्रिया ऑनलाइन पद्धतीने होणार आहे. अर्ज करण्यासाठी ३० नोव्हेंबर २०२० पासून सुरुवात होत आहे. ७ डिसेंबर २०२० पर्यंत अर्ज करता येणार आहेत. परीक्षेचे अॅडमिट कार्ड १९ ते २५ डिसेंबर २०२० या कालावधीत उपलब्ध केले जाईल.

शैक्षणिक पात्रता

किमान ५० टक्के गुणांसह दहावी उत्तीर्ण (एससी / एसटी उमेदवारांना ५ टक्के सवलत) आणि राज्यांतर्गत किंवा राष्ट्रीय पातळीवरील कोणत्याही खेळात १ ते ३ पर्यंतचा रँक मिळालेला असावा.

कामाचे स्वरुप

स्वयंपाकी (कुक) मेनूनुसार शाकाहारी, मांसाहारी पदार्थ तयार करणे. याव्यतिरिक्त अतिरिक्त कामेदेखील दिली जातील.
स्टीवर्ड पदाच्या व्यक्तीने वेटरप्रमाणे पदार्थ सर्व्ह करणे, हाऊसकिपींग, वाइन, अन्य वस्तूंची हाताळणी, फंड मेंटेनन्स करणे अपेक्षित आहे.

वयोमर्यादा

१ एप्रिल २०२१ रोजी १८ ते २२ वर्षे वय पूर्ण असावे. (आरक्षित प्रवर्गां कमाल वयोमर्यादेत सवलत लागू.)

Indian Coast Guard Navik (DB) Recruitment 2020 चे नोटिफिकेशन वाचण्यासाठी येथे क्लिक करा.

Leave A Reply

Your email address will not be published.

व्हाट्सअँप ग्रुप जॉईन करा!