JEE Advanced परीक्षासाठी गैरहजर विद्यार्थ्यांना संधी

JEE Advanced 2020

आयआयटीसह विविध केंद्रीय संस्थांतील प्रवेशासाठी घेण्यात येणारी दुसऱ्या टप्प्यातील सामाईक प्रवेश परीक्षा (जेईई अ‍ॅडव्हान्स) देऊ न शकलेल्या विद्यार्थ्यांना एक संधी देण्यात येणार आहे.

देशभरात २७ सप्टेंबर रोजी जेईई मुख्य परीक्षेतून पात्र ठरलेल्या विद्यार्थ्यांची जेईई अ‍ॅडव्हान्स घेण्यात आली. मात्र, या करोनाचा प्रादुर्भाव झाल्यामुळे अनेक विद्यार्थ्यांना ही परीक्षा देता आली नाही. या विद्यार्थ्यांची पुन्हा परीक्षा घेण्याची मागणी पालकांनी केली होती. आयआयटीच्या सामाईक प्रवेश मंडळाने पुन्हा परीक्षा घेण्याचा निर्णय घेतला नसला तरी यंदा जेईई अ‍ॅडव्हान्ससाठी नोंदणी करून प्रत्यक्ष परीक्षेला अनुपस्थित राहिलेल्या विद्यार्थ्यांना पुढील वर्षी अ‍ॅडव्हान्स देण्याची संधी दिली आहे. त्यासाठी या विद्यार्थ्यांनी पुन्हा मुख्य परीक्षा देण्याची आवश्यकता नाही. यंदाच्या मुख्य परीक्षेच्या पात्रतेच्या आधारे त्यांना पुढील वर्षी अ‍ॅडव्हान्स देता येईल असा निर्णय मंडळाने घेतला आहे. त्याचबरोबर यामुळे पुढील वर्षी मुख्य परीक्षेतून पात्र ठरणाऱ्या विद्यार्थ्यांच्या प्रमाणात बदल करण्यात येणार नाही, असेही स्पष्ट केले आहे.


JEE Advanced Result 2020: जेईई अॅडव्हान्स्डचा निकाल जाहीर

JEE Advanced Results 2020: आयआयटी दिल्लीने जेईई अॅडव्हान्स्ड परीक्षेचा निकाल जाहीर केला आहे. जेईई अॅडव्हान्स्डचे अधिकृत संकेतस्थळ jeeadv.ac.in वर विद्यार्थी त्यांचा निकाल पाहू शकतील.

विद्यार्थ्यांना त्यांचा अॅप्लिकेशन क्रमांक आणि पासवर्ड टाकून निकाल पाहताय येईल. जेईई अॅडव्हान्स्ड स्कोअरकार्डमध्ये विद्यार्थ्यांचे फिजिक्स, केमिस्ट्री आणि मॅथेमॅटिक्सचे दोन्ही पेपर १ आणि पेपर २ चे गुण देण्यात आले आहेत. यासोबतच कॉमन रॅंक लिस्टमधील (CRL) रँकही देण्यात आला आहे. विद्यार्थ्यांचा प्रवर्ग आणि अन्य माहितीही देण्यात आली आहे.

हे आहेत टॉपर्स

विद्यार्थ्यांमध्ये आयआयटी मुंबई झोनमधून चिराग फेलोर हा विद्यार्थी अव्वल आहे. चिरागला ३९६ पैकी ३५२ गुण मिळाले आहेत. मुलींमध्ये आयआयटी रुरकी झोनमधून कनिष्का मित्तल पहिली आली आहे. तिला ३९६ पैकी ३१५ गुण मिळाले आहेत. जेईई अॅडव्हान्स्ड २०२० साठी ओव्हरऑल टॉपर चिराग फेलोर हाच आहे. कनिष्काचा ओव्हरऑल रँक १७ आहे.

जेईई अॅडव्हान्स्ड निकाल डाऊनलोड करावा लागेल. जे विद्यार्थी जेईई अॅडव्हान्स्डमध्ये पात्र ठरले आहेत, ते आयआयटी, एनआयटी आणि अन्य संस्थांमध्ये प्रवेश घेण्यास पात्र आहेत. निकालासोबतच जेईई अॅडव्हान्स्डचे टॉपर्सही आयआयटी दिल्लीने जाहीर केले आहेत.

२७ सप्टेंबर २०२० रोजी जेईई अॅडव्हान्स्ड परीक्षा देशभरात आयोजित करण्यात आली होती. भारतासह परदेशातही काही केंद्रे पहोती. ज्या विद्यार्थ्यांनी या परीक्षेसाठी नोंदणी केली होती, त्यापैकी ९६ टक्के विद्यार्थ्यांनी परीक्षा दिली. १,५१,३११ विद्यार्थी पेपर १ मध्ये तर १,५०,९०० विद्यार्थी पेपर २ मध्ये सहभागी झाले होते.

कसा डाऊनलोड कराल Jee Advanced Result 2020?

– जेईई अॅडव्हान्स्डच्या अधिकृत संकेतस्थळावर जावे. थेट लिंक या बातमीच्या अखेरीत दिली आहे.
– JEE Advanced Result 2020 या पर्यायावर क्लिक करावे.
– जेईई अॅडव्हान्स्ड परीक्षेसाठी विद्यार्थ्यांना मिळालेला अॅप्लिकेशन क्रमांक आणि पासवर्ड टाकून लॉगइन करावे.
– आता तुमचा जेईई अॅडव्हान्स्ड परीक्षेचा निकाल तुम्हाला स्क्रीनवर दिसेल.
– निकाल डाऊनलोड करावा आणि भविष्यातील उपयोगासाठी प्रिंट आऊट काढून सुरक्षित ठेवावे.

JEE Advanced REsult 2020 पाहण्यासाठी थेट लिंकवर जाण्यासाठी येथे क्लिक करा.

फायनल आन्सर कीसाठी येथे क्लिक करा.


जेईई अॅडव्हान्स्ड परीक्षेची उत्तरतालिका जाहीर झाली आहे…

JEE Advanced official answer key 2020: जॉइंट एन्ट्रन्स एक्झामिनेशन अॅडव्हान्स्ड अर्थात जेईई अॅडव्हान्स्ड परीक्षेची संभाव्य आन्सर की म्हणजेच उत्तरतालिका जाहीर करण्यात आली आहे. आयआयटी दिल्लीने जेईई अॅडव्हान्स्डच्या अधिकृत संकेतस्थळावर jeeadv.ac.in येथे जेईई अॅडव्हान्स्ड २०२० पेपर १ आणि २ च्या प्रश्नपत्रिका आणि उत्तरतालिका जारी केली आहे

उमेदवारांना उत्तरतालिकेवर काही हरकती असतील तर त्या नोंदवण्याची संधी देण्यात आली आहे. तुम्ही जेईई अॅडव्हान्स्डच्या वेबसाइटवर जाऊन या परीक्षेच्या प्रश्नपत्रिका डाऊनलोड करू शकता. सोबतन उत्तरतालिकाही पाहू शकता. उत्तरतालिकेवर आक्षेप नोंदवण्याची प्रक्रिया देखील जेईई अॅडव्हान्स्ड कँडिडेट पोर्टलद्वारे ऑनलाइन माध्यमातू पूर्ण केली जा़ाऊ शकते.

या सगळ्या प्रक्रियेसाठी थेट लिंक या वृत्ताच्या अखेरीस देण्यात येत आहे. पुढे दिलेल्या लिंक्सववर क्लिक करून तुम्ही पेपर आणि उत्तर तालिका डाऊनलोड करू शकता. उत्तरतालिकेवर हरकतीदेखील नोंदवू शकतात. हरकती नोंदवण्यासाठी १ ऑक्टोबर २०२० रोजी दुपारी १२ वाजेपर्यंतचा अवधी आहे..

उत्तरतालिका डाऊनलोड करण्यासाठी पुढे दिलेल्या लिंक्सवर क्लिक करा –

फिजिक्स
केमिस्ट्री
मैथ्स

प्रश्नपत्रिका डाऊनलोड करण्यासाठी पुढे दिलेल्या लिंक्सवर क्लिक करा –

पेपर – 1
फिजिक्स
केमिस्ट्री
मॅथ्स

पेपर – 2

उत्तरतालिकेवर हरकत घेण्यासाठी येथे क्लिक करा.

JEE Advanced 2020 च्या संकेतस्थळावर जाण्यासाठी येथे क्लिक करा.


जेईई अॅडव्हान्स्ड २०२०: परीक्षा केंद्रात जाण्यापूर्वी या सूचना लक्षात घ्या

जेईई अॅडव्हान्स्ड २०२० परीक्षा रविवारी २७ सप्टेंबर रोजी होत आहे. परीक्षा केंद्रात जाण्यापूर्वी या सूचना लक्षात घ्या…
JEE Advanced 2020: देशभरातील आयआयटींमधील अभियांत्रिकी पदवी अभ्यासक्रमांच्या प्रवेशांसाठी अत्यंत महत्त्वाची असलेली जेईई अॅडव्हान्स्ड परीक्षा रविवारी २७ सप्टेंबर रोजी देशभरात होत आहे. सकाळी ९ ते १२ आणि दुपारी २.३० ते ५.३० अशा दोन सत्रांमध्ये ही परीक्षा होणार आहे. जे विद्यार्थी ही परीक्षा देणार आहेत, त्यांना कोविड-१९ प्रादुर्भावाच्या परिस्थितीच्या पार्श्वभूमीवर काही सूचनांचे काटेकोर पालन करणे अत्यावश्यक आहे.
जेईई अॅडव्हान्स्ड परीक्षा देण्यासाठी अर्ज केलेल्या विद्यार्थ्यांपैकी सुमारे ९८ टक्के विद्यार्थ्यांना त्यांच्या पसंतीचे परीक्षा केंद्र मिळाले आहे, असा आयआयटी दिल्लीचा दावा आहे. मास्क वापरणे, स्वत:चे हँडसॅनिटायझर सोबत पारदर्शक बाटलीत बाळगणे आणि त्याचा वापर करणे गरजेचे आहे. या गोष्टींशिवाय परीक्षा केंद्रात प्रवेश दिला जाणार नाही.
विद्यार्थ्यांना जेईई अॅडव्हान्स्ड परीक्षेसाठी परीक्षा केंद्रावर पोहोचवण्यासाठी आयआयटी अलुम्नायने एक पोर्टलही लाँच केले आहे. Eduride असे या पोर्टलचे नाव आहे, अशी माहितीही आयआयटी दिल्लीने दिली आहे.

आरोग्यविषयक खबरदारी म्हणून कोणकोणत्या सूचनांचे विद्यार्थ्यांनी पालन करायचे आहे त्या पुढीलप्रमाणे :– विद्यार्थ्यांनी त्यांचे स्वत:चे फेसमास्क वापरावेत आणि पारदर्शक बाटलीत सॅनिटायझर बाळगावे. पाण्याची बाटलीही पारदर्शक हवी.

– दोन जणांमध्ये कायम किमान सहा फुटांचे अंतर हवे. यासाठी परीक्षा केंद्रांवर रांग लावण्यासाठी विशिष्ट व्यवस्था करण्यात येईल. तेथील कर्मचारी सांगतील त्या सूचनांचे विद्यार्थ्यांनी पालन करावे.

– परीक्षा केंद्रात शिरताना विद्यार्थ्यांच्या अॅडमिट कार्डवरील बार कोड स्कॅन होईल. त्यानंतर त्यांनी परीक्षा हॉलचा क्रमांक दिला जाईल.

विद्यार्थ्यांनी परीक्षा केंद्रात जाण्यापूर्वी हात सॅनिटाइज करणे गरजेचे आहे.
– परीक्षेसाठी जाण्यापूर्वी विद्यार्थ्यांकडे कोविड-१९ सेल्फ डिक्लेरेशन असणे गरजेचे आहे, अन्यथा परीक्षा केंद्रात प्रवेश दिला जाणार नाही.
देशभरातील एकूण २२२ शहरांमध्ये ही परीक्षा आयोजित केली जाणार आहे. एकूण एक हजार परीक्षा केंद्रांवर परीक्षा होणार आहे. अधिकृत माहितीनुसार एकूण १ लाख ६० हजार ८३१ विद्यार्थ्यांनी यंदा जेईई अॅडव्हान्स्ड परीक्षेसाठी नोंदणी केली आहे. 

Leave A Reply

Your email address will not be published.

व्हाट्सअँप ग्रुप जॉईन करा!