Professor Bharti – राज्यात प्राध्यापक भरती केव्हा होणार ? जाणून घ्या

Maharashtra Professor Bharti 2022

Professor Bharti 2022– Over the last few years, the recruitment of professors has been facing difficulties due to various reasons. Therefore, in many aided colleges, CHB professors are currently handling most of the work. However, the honorarium paid to them is very meager. The Mane Committee, set up to augment it, submitted its report to the Government. It is expected to be accepted and implemented. However, the government is wasting time and the rules for recruitment of professors have not been prepared yet. The government will start the process of recruitment of professors soon.

राज्यात शिक्षकांच्या पाच हजार जागा रिक्त; लवकरच होणार भरती

  राज्याच्या उच्च व तंत्र शिक्षण विभागातर्फे तासिका तत्त्वावरील  प्राध्यापकांच्या  मानधनात वाढ करण्याचा अध्यादेश गेल्या वर्षी प्रसिद्ध करण्यात आला. मात्र, अजूनही या आदेशानुसार सीएचबी  प्राध्यापकांना  मानधन दिले जात नाही. तसेच सीएचबी प्राध्यापकांच्या प्रश्नाबाबत स्थापन केलेल्या माने समितीचा अहवाल राज्य शासनास सादर केला असला तरी त्याची अंमलबजावणी केली. नाही. त्याचप्रमाणे प्राध्यापक भरतीच्या सर्व अडचणी दूर झाल्या, तरीही भरती प्रक्रिया सुरू का केली जात नाही, असा सवाल प्राध्यापक संघटनेतर्फे उपस्थित केला जात आहे.

गेल्या काही वर्षांपासून प्राध्यापक भरतीला विविध कारणांमुळे अडचणी निर्माण झाल्या. त्यामुळे अनेक अनुदानित महाविद्यालयांमध्ये सध्या सीएचबी प्राध्यापकच बहुतांश सर्व कामकाज सांभाळत आहेत. मात्र, त्यांना देण्यात आलेले मानधन फारच तुटपुंजे आहे. त्यात वाढ करण्यासाठी स्थापन केलेल्या माने समितीने आपला अहवाल शासनास सादर केला. तो स्वीकारून त्याची अंमलबजावणी होणे अपेक्षित आहे. मात्र, शासन वेळकाढूपणा करत असून, प्राध्यापक भरतीची नियमावली अद्याप तयार केलेली नाही.

प्राध्यापक भरतीसाठी अनेक आंदोलने केली. परंतु, शासनाने भरतीसंदर्भात केवळ अध्यादेश प्रसिद्ध केले. त्याच्या अंमलबजावणीसाठी कोणत्याही हालचाली केल्या नाहीत. त्यामुळे पात्र उमेदवारांमध्ये संतापाची भावना आहे. त्यामुळे शासनाने प्राध्यापक भरतीची प्रक्रिया लवकर सुरू करावी.


Professor Recruitment 2022: State government has approved to fill the posts of 2,088 professors in non-agricultural colleges, it has come to light that there are more than 1,500 vacancies in non-agricultural government universities. Even after a lapse of four and a half years, the recruitment process has not progressed and the number of vacancies has reached 17,000 as the government did not fully approve the October 1, 2017 format.

Professor Bharti 2022: राज्य सरकारने अनुदानित अकृषी महाविद्यालयांमध्ये दोन हजार ८८ प्राध्यापकांची पदे  भरण्यास मान्यता दिली असली, तरी अकृषी सरकारी विद्यापीठांमध्ये एक हजार ५०० पेक्षा अधिक प्राध्यापकांची पदे रिक्त  असल्याचे समोर आले आहे. साडेचार वर्षांच्या कालावधी उलटून गेल्यानंतरही सरकारने एक ऑक्टोबर २०१७ च्या आकृतिबंधाला पूर्ण मान्यता न दिल्याने प्राध्यापक भरतीची प्रक्रिया पुढे सरकत नसून, रिक्त पदांची संख्या १७ हजारांपर्यंत पोहोचली आहे.

राज्यात प्राध्यापकांची १७ हजार पदे अद्याप रिक्तच

Shikshak Bharti -शिक्षक भरती संदर्भात शिक्षणमंत्र्यांची मोठी घोषणा!! जाणून घ्या

Shikshak Bharti- शिक्षक भरतीसाठी या महिन्यात सीईटी; 15 हजार शिक्षकांची भरती लवकरच

  • राज्यातील प्राध्यापक भरतीवरील बंदी उठवण्यासाठी उच्च शिक्षण संचालनालयासमोर राज्यातील पात्रताधारक उमेदवारांनी सलग ६० दिवस आंदोलन केले. त्यानंतर १२ नोव्हेंबर २०२१ रोजी सरकारने ४० टक्के रिक्त जागा म्हणजे दोन हजार ८८ जागा भरण्याला मान्यता दिली.
  • त्याबाबतचे राजपत्र नुकतेच प्रकाशित करण्यात आले आहे. या भरतीबाबत तातडीने कोणतीही अंमलबजावणी होत नसल्याने, त्रासलेल्या पात्रताधारक उमेदवारांनी सोमवारी एक दिवसीय आंदोलन केले. त्याचप्रमाणे भरती प्रक्रियेला तातडीने सुरुवात न केल्यास चार जुलैपासून उपोषण करण्याचा इशारा महाराष्ट्र नवप्राध्यापक संघटनेने उच्च शिक्षण संचालनालयाला दिला आहे.
  • राज्यात सध्याची प्राध्यापक भरती एक ऑक्टोबर २०१७ च्या आकृतिबंधानुसार होत आहे. मात्र, साडेचार वर्षांच्या कालावधी उलटून गेल्यानंतरही सरकारने अंतिम मान्यता दिलेली नाही. या कारणामुळे सरकारला अनुदानित महाविद्यालयांमध्ये एक ऑक्टोबर २०१७ नंतर सेवानिवृत्त झालेल्या प्राध्यापकांच्या रिक्त जागा भरता येत नसल्याचे चित्र आहे. ‘
  • राज्यातील अकृषी विद्यापीठांमध्ये एक हजार ५७२ प्राध्यापकांची पदे रिक्त आहे. सरकारच्या निर्णयानुसार ४० टक्के रिक्त जागा म्हणजे ६२९ प्राध्यापकांची पदे भरण्याबाबत स्वतंत्र निर्णय घेण्यात येईल,’ असे उच्च व तंत्रशिक्षणमंत्री उदय सामंत यांनी जाहीर केले होते. मात्र, त्याची कोणतीही अंमलबजावणी झालेली नाही.
  • गेल्या साडेचार वर्षांत विद्यापीठांमधील साधारण ५०० प्राध्यापक सेवानिवृत्त झाले. त्यामुळे या जागांची भर रिक्त जागांमध्ये पडली आहे. या जागा भरण्याबाबत कोणताही निर्णय न झाल्याने, विद्यार्थ्यांना शिकवण्यासाठी विद्यापीठांच्या शैक्षणिक विभागांमध्ये प्राध्यापक नाहीत, अशी परिस्थिती आहे.

Professor Bharti 2022: Approval was given on 12 November 2021 to recruit 2,088 posts in about 1,171 subsidized colleges in the state as per the number of students as on October 1, 2017. On 28th December, 2021, both the Houses of the Legislative Assembly unanimously approved the Category wise Reservation Bill. But this has not been implemented. Read More details regarding Maharashtra Professor Bharti 2022 are give below.

प्राध्यापकांची 2088 पदे मंजूर, पदभरती कधी होणार!! जाणून घ्या

अकृषी विद्यापीठात सहाय्यक प्राध्यापक पदभरती सुरू न होणे, तासिका तत्त्वावरील प्राध्यापकांबाबतच्या निर्णयाप्रमाणे अंमलबजावणी न होणे, विनाअनुदानित तुकड्यांना अनुदान देणे यांसह विविध मागण्यासाठी येत्या सोमवारी शिक्षण संचालक कार्यालयासमोर एकदिवसीय लाक्षणिक उपोषण करण्यात येईल, असा इशारा महाराष्ट्र नवप्राध्यापक संघटनेचे अध्यक्ष डॉ. संदीप पाथ्रीकर आणि सचिव डॉ. मारोती देशमुख यांनी दिला आहे.

राज्यातील सुमारे एक हजार १७१ अनुदानित महाविद्यालयांमध्ये १ ऑक्टोबर २०१७च्या विद्यार्थी संख्येनुसार प्राध्यापक पदभरतीला ४० टक्के नुसार दोन हजार ८८ जागांची भरती करण्यात १२ नोव्हेंबर २०२१मध्ये मान्यता देण्यात आली. पदभरतीतील आरक्षणासंदर्भात २८ डिसेंबर २०२१ रोजी संवर्गनिहाय आरक्षण विधेयकाला विधीमंडळाच्या दोन्ही सभागृहाने एकमताने मंजुरी दिली. परंतु याबाबत प्रत्यक्ष अंमलबजावणी झालेली नाही. तसेच पद भरतीला परवानगी देताना शिक्षण संचालक, ग्रंथपाल तसेच विद्यापीठातील शैक्षणिक विभागातील सहाय्यक प्राध्यापकांच्या भरतीला मान्यता न दिल्याने पात्रता धारकांमध्ये निराशेचे वातावरण निर्माण झाले आहे. प्राध्यापक भरतीसह अन्य मागण्यांबाबत सरकारने त्वरित निर्णय घ्यावा, या संदर्भातील मागण्यांसाठी हे उपोषण करण्यात येत असल्याचे संघटनेने स्पष्ट केले आहे.

प्रमुख मागण्या :

  • अकृषी विद्यापीठातील सहायक प्राध्यापक पदभरती त्वरित सुरू करावी.
  • ऑक्टोबर २०१७च्या आकृतिबंधाला अंतिम मान्यता देऊन डिसेंबर २०२१पर्यतची सर्व रिक्त पदे तत्काळ भरावीत.
  • तासिका तत्त्वावरील प्राध्यापकांच्या धोरणाबाबत स्थापन केलेल्या समितीचा अहवाल स्वीकारून अंमलबजावणी करावी.
  • विनाअनुदानित तुकड्यांना त्वरित अनुदान द्यावे.
  • २०१६ नंतरच्या सहाय्यक प्राध्यापकांना वेतनवाढ तत्काळ लागू करावी.

इन्फोबॉक्स :

‘‘तासिका तत्त्वावर काम करणाऱ्या प्राध्यापकांच्या संदर्भात १४ नोव्हेंबर २०१८ आणि २२ ऑक्टोबर २०२१ च्या शासन निर्णयाची प्रत्यक्ष अंमलबजावणी न होणे, तसेच यामध्ये तासिका तत्त्वावरील अनुभव ग्राह्य धरावा यासाठी सातत्याने पाठपुरावा करण्यात येत आहे. तासिका तत्त्वावरील प्राध्यापकांबाबत धोरण निश्चितीसाठी डॉ. धनराज माने समितीने अहवाल देखील दिला आहे. तो शासन दफ्तरी धुळखात पडला आहे. अद्याप त्यावर निर्णय घेण्यात आलेला नाही.’’



Professor Bharti 2022: As per the news, There are about 12000 vacancies for assistant professors in various aided colleges in the state. There are 40 or 50 %  vacancies for professors in various districts of the state. College administration is facing various difficulties due to non-recruitment of permanent professors. Read More details as given below.

राज्यात प्राध्यापकांच्या जवळपास १२ हजार जागा रिक्त

Professor Bharti 2022 मागील दहा वर्षांपासून राज्यातील विविध अनुदानित महाविद्यालयात सहायक प्राध्यापकांच्या जवळपास १२ हजार जागा रिक्त रिक्त आहेत.  राज्यातील विविध जिल्ह्यात प्राध्यापकाची ४०, ५० टक्के जागा रिक्त आहेत. स्थायी प्राध्यापकांच्या पदांची भरती होत नसल्याने महाविद्यालय प्रशासनासमोर विविध अडचणी आहेत. विद्यापीठाशी निगडित कामकाज करण्यासाठी अनुभवी प्राध्यापक अनेक महाविद्यालयात नाहीत. तर, महाविद्यालयांची गुणवत्ता तपासणाया राष्ट्रीय मूल्यांकन परिषदेच्या तपासणीला सामोरे जाताना भौतिक सुविधा असल्या तरी रिक्त जागांमुळे परिपूर्ण तज्ज्ञ प्राध्यापकांचा तुटवडा प्रकर्षाने जाणवतो. 

जालना : गत अनेक वर्षांपासून महाविद्यालयांत प्राध्यापकांची भरती झाली नाही. भरती प्रक्रिया रखडल्याने बहुतांश महाविद्यालयांमध्ये पन्नास टक्क्यांहून अधिक प्राध्यापकांची पदे रिक्त असून, केवळ तासिका तत्त्वावरील प्राध्यापकांवर ही महाविद्यालये चालविण्याचा प्रयत्न सुरू आहे.

लातूर :  जिल्ह्यात अनुदानित वरिष्ठ महाविद्यालयांची संख्या ३६ ते ४० च्या घरात असून, गेल्या आठ वर्षांपासून प्राध्यापकांच्या रिक्त पदांची भरती नसल्यामुळे तासिका तत्त्वावर काम भागविले जात आहे.जागा रिक्त असून, नोकरी मिळेना आणि तासिका तत्त्वावर पोट भरेना, अशी अवस्था तासिका तत्त्वावर काम करणाऱ्या प्राध्यापकांची आहे. रिक्त जागांच्या ४० टक्के जागा भरण्यास २०१८ मध्ये शासनाने मंजुरी दिली. यानुसार जिल्ह्यातील ३६ महाविद्यालयांमध्ये १७७ पेक्षा अधिक जागा भरण्यास पात्र आहेत. मात्र, त्या जागांवर भरती झालेली नाही

वर्धा : गेल्या अनेक वर्षांपासून महाविद्यालयातील प्राध्यापकांच्या नियुक्त्या झाल्या नाहीत. अशातच कोरोनाकाळामुळे या नियुक्त्यांना ब्रेक लागला आहे. जिल्ह्यामधील महाविद्यालयात प्राध्यापकांच्या असंख्य जागा रिक्त आहेत. त्यासाठी पात्र उमेदवारांचीही मोठी फौज आहे; परंतु शासनाकडून पदभरतीला परवानगी नसल्याने तासिका तत्वावरच काम भागविले जात आहे. म्हणूनच सध्या अनेक जागा रिक्त; तरी नोकरी मिळेना अन् तासिका तत्त्वावर पोट भरेना!’ अशी अवस्था महाविद्यालयीन अंशकालीन प्राध्यापकांची झाली आहे.

महाविद्यालयामध्ये प्राध्यापक म्हणून नोकरी मिळविण्यासाठी सुरुवातीला सहायक प्राध्यापक म्हणून नियुक्ती केली जाते. त्याकरिता संबंधित विषयामध्ये स्नातकोत्तर पदवी, नेट-सेट किंवा पीएचडी असणे अनिवार्य आहे. हे सर्व शिक्षण करण्यातच मोठा कालावधी जातो. सहायक प्राध्यापकांकरिता पात्र ठरण्यासाठी तप करावा लागत असून, पात्रता मिळविल्यानंतरही कायमस्वरूपी नोकरीकरिता प्रतीक्षा करावी लागत आहे

सांगली : महाविद्यालयांमधील प्राचार्य आणि ४30 सहाय्यक प्राध्यापक या संवर्गातील रिक्त पदे भरण्याचा निर्णय राज्य सरकारने घेतला आहे. मात्र, त्याबाबतचे पुढील पाऊल अद्याप शासनाकडून पडलेले नाही. – सध्या सांगली जिल्ह्यातील विविध महाविद्यालयांत सहाय्यक प्राध्यापकांच्या ४० टक्क्यांहून जास्त जागा रिक्त आहेत. तरीही नोकरी मिळेना अन् तासिकेवर पोट भरेना, अशी अवस्था तासिका तत्त्वावरील प्राध्यापकांची झाली आहे. शासकीय आदेशाची अंमलबजावणी अद्याप झालेली नाही. यामुळे प्राध्यपकांना नियुक्ती कधी मिळणार अशी विचारणा केली जात आहे. सध्या उच्च शिक्षित असुनही सहाय्यक प्राध्यापकांना योग्य वेतन नसल्याने आर्थिक अडचणींचा सामना करावा लागत आहे. आगामी काळात याबाबत ठोस निर्णय होणे गरजेचे बनले आहे

अकोला : जिल्ह्यात वरिष्ठ महाविद्यालयांमध्ये ५० टक्क्यांवर जागा रिक्त आहेत. यामुळे प्राध्यापकांना नोकरी मिळत नाही आणि घड्याळी तासिकांवर पोटही भरत नसल्याची विदारक परिस्थिती आहे. जिल्ह्यातील पदव्युत्तर महाविद्यालयांमध्ये ७०० च्या जवळपास प्राध्यापकांची पदे रिक्त आहेत. या रिक्त पदांवर शासन भरतीही घेत नाही आणि घड्याळी तासिकांवर काम करणाऱ्या प्राध्यापकांना वेतनहीं देत नाही. त्यामुळे या प्राध्यापकांवर कुटुंबाचा उदरनिर्वाह, आईवडिलांचे आजारपण, मुलांच्या शिक्षणाचा खर्च कसा भागवावा असा मोठा गंभीर प्रश्न निर्माण झाला आहे. शासनाने प्राध्यापकांची तातडीने पदभरती करावी अशी तासिकेवर काम करणाऱ्या प्राध्यापकांनी केली आहे.

हिंगोली : मागील अनेक वर्षांपासून अनुदानित महाविद्यालयातील सहाय्यक प्राध्यापक पदाच्या अनेक जागा रिक्त आहेत. या जागा भरण्यात येत नसल्याने तासिका तत्त्वावरील प्राध्यापकांना अनेक समस्येला सामोरे जावे लागत आहे.

स्वामी रामानंद तीर्थ मराठवाडा विद्यापीठांतर्गत जवळपास १२५ अनुदानित महाविद्यालये आहेत. त्यातील ८५० जागा रिक्त आहेत. रिक्त जागांवर तासिका तत्त्वावर सहाय्यक प्राध्यापकांची मानधनावर नेमणूक केली जात असली तरी अनेक अटी घालण्यात आल्या आहेत. त्यात वेळेवर मानधन मिळत नसल्याने प्राध्यापकांना अनेक संकटांना सामोर जावे लागत आहे. दरम्यान, शासन तासिका तत्त्वावर प्राध्यापकांची भरती करूनरिक्त जागा भरण्यास टाळाटाळ करत आहे. त्यामुळे रिक्त जागा भराव्यात, अशी मागणी प्राध्यापकांतून होत आ

परभणी: राज्य शासनाने २००१ पासून प्राध्यापकांची भरती बंद केल्याने याअनुषंगाने पात्रता धारण केलेल्या प्राध्यापकांवर तुटपुंज्या मानधनावर तासिका तत्त्वावर काम करण्याची वेळ आली आहे. त्यामुळे या प्राध्यापकांवर आर्थिक संकट कोसळले आहे.

राज्य शासनाने २००९ मध्ये वरिष्ठ महाविद्यालयांतील प्राध्यापकांची भरती बंद केली आहे. अशातच या महाविद्यालयांतील प्राध्यापकांच्या जवळपास ५० टक्के जागा रिक्त झाल्या आहेत. या रिक्त जागांवर संबंधित शैक्षणिक पात्रताधारण केलेले प्राध्यापक तासिका तत्त्वावर काम करीत आहेत. त्यांना एका तासासाठी ५०० रुपये मानधन देण्यात येते. आठवड्यातून या प्राध्यापकांना ४ तासिका देण्यात येतात. त्यामुळे महिनाभरात जवळपास त्यांना ८ हजार रुपये मिळतात. आजच्या महागाईच्या काळात हे मानधन परडणारे नाही. त्यामुळे त्यांची आर्थिक अडचण वाढली आहे.

जळगाव : महाविद्यालयांमधील सुमारे ५० टक्क्याहून अधिक कायमस्वरूपी प्राध्यापकांच्या जागा रिक्त आहेत. रखडलेल्या प्राध्यापक भरतीमुळे ही परिस्थिती अधिक गंभीर होत आहे. राज्यशासन प्राध्यापक भरतीकडे दुर्लक्ष करीत असून, लोकप्रतिनिधीही याकडे दुर्लक्ष करीत आहेत. रिक्त जागांमुळे विद्यार्थ्यांचेही नुकसान होत आहे, त्यामुळे प्राध्यापकांची भरती प्रक्रिया लवकरात लवकर राबविण्यात यावी, अशी मागणी विविध संघटनांकडून होत आहे. जळगाव, धुळे, नंदुरबार जिल्ह्यात ८३ अनुदानित महाविद्यालये आहेत. या महाविद्यालयांमध्ये ८२९ प्राध्यापकांच्या जागा रिक्त आहेत.

सातारा : उच्च शिक्षणाचा महत्त्वपूर्ण घटक असलेल्या राज्यातील प्राध्यापक पदाच्या रिक्त जागा भरण्याबाबत शासनाकडून अजूनही ठोस निर्णय घेतला गेला नाही. त्यामुळे तासिका तत्त्वावर काम करणाऱ्या हजारो प्राध्यापकांना अजूनही तुटपुंज्या मानधनाने त्यांचे पोट भरेना आणि रिक्त जागांवर भरती न काढल्याने नोकरी मिळेना अशी अवस्था प्राध्यापकांची झाली आहे.

बुलडाणा : राज्यभरात १२ हजारांच्या वर प्राध्यापकांच्या जागा रिक्त असताना शासनाकडून तासिका तत्त्वावरील प्राध्यापकांच्या भरतीला मंजुरी मिळत नसल्याचे चित्र आहे. त्यामुळे,पात्रता धारक उमेदवारांवर उपासमारीची वेळ आली आहे. नेट, सेट, पीएचडी धारकांच्या विविध संघटनांनी आंदोलन केल्यानंतर शासनाने प्राध्यापक भरतीची घोषणा केली. २ हजार जागा भरण्याविषयी शासन आदेश काढून मंजुरीही दिली. मात्र, संवर्गनिहाय आरक्षणाविषयी शासन वेगवेगळे आदेश काढत आहे.

गडचिरोली : स्थानिक गोंडवाना विद्यापीठाशी संलग्नित एकूण २१२ महाविद्यालये आहेत. शिवाय विद्यापीठाचे कॅम्पस आहेत. या सर्व ठिकाणी प्राध्यापकांच्या बऱ्याच जागा रिक्त आहेत. शासनाकडून पदभरतीवर ब्रेक असल्यामुळे पात्र उमेदवारांना नोकरी मिळाली नाही. दुसरीकडे तासिका तत्त्वावरील प्राध्यापकांना अल्प मानधन असल्यामुळे त्यांना आर्थिक संकटाचा सामना करावा लागतो.

चंद्रपूर : स्थानिक गोंडवाना विद्यापीठाशी संलग्नित एकूण २१२ महाविद्यालये आहेत. शिवाय विद्यापीठाचे कॅम्पस आहेत. या सर्व ठिकाणी प्राध्यापकांच्या बऱ्याच जागा रिक्त आहेत. शासनाकडून पदभरतीवर ब्रेक असल्यामुळे पात्र उमेदवारांना नोकरी मिळाली नाही. दुसरीकडे तासिका तत्त्वावरील प्राध्यापकांना अल्प मानधन असल्यामुळे त्यांना आर्थिक संकटाचा सामना करावा लागतो. गोंडवाना विद्यापीठाशी संलग्नित दोन्ही जिल्ह्यांतील महाविद्यालये तसेच कॅम्पसमध्ये मिळून प्राध्यापकांच्या जवळपास १ हजार १२० जागा रिक्त आहेत. या रिक्त जागांवर तासिका तत्त्वावरील प्राध्यापकांची नियुक्ती करण्यात आली असून अध्यापनाची प्रक्रिया सुरू आहे

औरंगाबाद : अनुदानित महाविद्यालयातील प्राध्यापकांच्या रिक्त पदांची भरती तब्बल ८ वर्षांपासून बंद आहे. तत्कालीन मुख्यमंत्री देवेंद्र फडणवीस सरकारने भरतीवर घातलेली बंदी निवडणुकीच्या धामधुमीत मागे घेत रिक्त जागांच्या ४० टक्के जागा भरण्यास ३ नोव्हेंबर २०१८ रोजी मंजुरी दिली. औरंगाबाद जिल्ह्यातील ३९ अनुदानित महाविद्यालयांतील रिक्त २७९ पैकी ९७ पदे भरण्यात येणार होती. मात्र त्यातील केवळ २० पदेच भरली.

बीड जिल्ह्यात जवळपास एक हजारपेक्षा जास्त प्राध्यापक तासिका तत्त्वावर महाविद्यालयात अध्यापनाचे काम करीत आहेत, तर ५५०पेक्षा जास्त जागा रिक्त आहेत. त्यामुळे पन्नास टक्के जागा रिक्त; तरी नोकरी मिळेना अन तासिकेवर पोट भरेना,अशी स्थिती सध्या आहे. नेट, सेट, पीएच. डी. अशी गुणवत्ता असताना नोकरीच्या प्रतीक्षेत त्यांचे वय निघून जात आहे. चांगल्या प्रकारची गुणवत्ता असतानाही केवळ भरतीअभावी तासिका तत्त्वावर तुटपुंज्या पगारावर काम करावे लागते. यातच तासिका तत्त्वावरील प्राध्यापकांची बिले उशिरा निघत असल्याने ते तळमळीने कसे शिकवतील, हा प्रश्न आहे.

Professor Bharti 2022


Professor Bharti 2022: As per the news, There are about 12000 vacancies for assistant professors in various aided colleges in the state and 850 vacancies in 125 aided colleges in four districts under Swami Ramanand Tirtha Marathwada University. Read More details as given below.

मागील दहा वर्षांपासून राज्यातील विविध अनुदानित महाविद्यालयात सहायक प्राध्यापकांच्या जवळपास १२ हजार जागा रिक्त असून स्वामी रामानंद तीर्थ मराठवाडा विद्यापीठा अंतर्गत असलेल्या चार जिल्ह्यातील १२५ अनुदानित महाविद्यालयात ८५० जागा रिक्त आहेत. मात्र या जागा भरण्यात येत नसल्याने सीएचबी प्राध्यापकांचा प्रश्न गंभीर बनला आहे.

शासन तासिका तत्त्वावर प्राध्यापकांची भरती करून रिक्त जागा भरण्यास टाळाटाळ करत आहे. त्यामुळे तासिका तत्त्वावरील धोरणाला सीएचबी प्राध्यापकांनी विरोध दर्शविला आहे. यूजीसीच्या निर्देशानुसार १०० टक्के प्राध्यापकांची भरती करण्यात यावी,अशी मागणी सीएचबी प्राध्यापकांनी केली आहे. विद्यार्थ्यांची वाढती संख्या व सहायक प्राध्यापकांची घटती संख्या ही विसंगती आहे. सध्या बेरोजगारीचे प्रमाण वाढले . 


Professor Bharti 2022- Many professors have retired while there are already vacancies in universities and aided colleges in the state. As a result, the backlog of vacancies has increased significantly. The state government has given permission to fill two thousand vacancies of professors. However, due to non-preparation of point list, the government has not been able to find the time for recruitment of professors.

राज्यात प्राध्यापकांच्या दोन हजार जागा रिक्त – भरती कधी? जाणून घ्या

राज्य शासनाने प्राध्यापकांच्या रिक्त दोन हजार जागा भरण्याचा निर्णय घेतला आहे. त्याविषयी शासन आदेशही जाही झाला आहे. मात्र प्राध्यापक भरतीचा अजूनही मुहूर्त शासनाला सापडत नसून, तासिका तत्वावरील प्राध्यापकांच्या नियुक्त्याही रखडल्या आहेत. त्यामुळे राज्यभरातील हजारो नेट, सेट, पीएच. डी धारक आर्थिक संकटात सापडले आहेत.

राज्यातील विद्यापीठे आणि अनुदानित महाविद्यालयांमध्ये आधीच पदे रिक्त असताना अनेक प्राध्यापक सेवानिवृत्त झाले आहेत. त्यामुळे रिक्त पदांचा अनुशेष मोठ्या प्रमाणात वाढलेला आहे. राज्य शासनाने प्राध्यापकांच्या रिक्त पदांपैकी दोन हजार पदे भरण्याची परवानगी दिली आहे.  मात्र, बिंदुनामावली तयार नसल्याने प्राध्यापक भरतीचा मुहूर्त शासनाला सापडलेला नाही.


Professor Bharti 2022: Various posts of professors are vacant in the state. The recruitment situation of professors in higher education institutions in the state is very serious. It is unfortunate that the process of recruitment of professors on Tasika principle, which was started as a temporary facility, is becoming a norm. In most of the colleges, the number of professors on Tasika principle is more than the number of permanent professors. For quality higher education, the government should immediately fill the vacancies in the state, said Dr. Maharashtra State Professors Association President. Presented by Shyamrao Lawande.

Professor Bharti 2022

राज्यात प्राध्यापकांची विविध पदे रिक्त

राज्यातील उच्च शिक्षण संस्थांमधील प्राध्यापक भरतीची स्थिती अतिशय गंभीर आहे. तात्पुरती सोय म्हणून सुरु करण्यात आलेली तासिका तत्त्वावर प्राध्यापकांची भरती ही प्रक्रिया रूढ होत आहे ही दुर्दैवी बाब आहे. बहुतेक महाविद्यालयांमध्ये कायमस्वरूपी प्राध्यापकांपेक्षा तासिका तत्त्वावरील प्राध्यापकांची संख्याच जास्त आहे. दर्जेदार उच्च शिक्षणासाठी शासनाने राज्यामधील रिक्त प्राध्यापकांची भरती तातडीने केली पाहिजे, अशी भूमिका महाराष्ट्र राज्य प्राध्यापक संघटनेचे अध्यक्ष डॉ. श्यामराव लवांडे यांनी मांडली.

येथील प्राध्यापकांच्या मेळाव्याचे आयोजन करण्यात आले होते. कार्यक्रमासाठी महाराष्ट्र राज्य प्राध्यापक संघटनेचे उपाध्यक्ष डॉ. के. एल. गिरमकर, प्रदेश सरचिटणीस डॉ. हनुमंत अवताडे, शिवाजी विद्यापीठ प्राध्यापक संघटनेचे अध्यक्ष डॉ. आर. के. चव्हाण, सोलापूर विद्यापीठ प्राध्यापक संघटनेचे अध्यक्ष डॉ. नेताजी कोकाटे, स्पूक्टोचे सरचिटणीस डॉ. प्रवीण ताटे-देशमुख, डॉ. शिवाजी भोसले, डॉ. राजेंद्र साळुंखे, प्रा. धनंजय भोसले उपस्थित होते. यावेळी डॉ. लवांडे यांची महाराष्ट्र प्राध्यापक संघटनेच्या अध्यक्षपदी निवड झाल्याबद्दल प्राध्यापकांच्या व प्राचार्य डॉ. संजय चाकणे यांच्या वतीने सत्कार करण्यात आला. डॉ. राजाराम गावडे यांची स्थानिक शाखेच्या अध्यक्षपदी निवड झाल्याबद्दल त्यांचा सत्कार करण्यात आला.

प्रास्ताविक डॉ. राजेंद्र साळुंखे यांनी सूत्रसंचालन डॉ. तानाजी कसबे व डॉ. बाळासाहेब काळे यांनी केले. तर आभार प्रा. उत्तम माने यांनी मानले. कला, विज्ञान व वाणिज्य महाविद्यालयामध्ये मेळाव्यासाठी सावित्रीबाई फुले पुणे विद्यापीठ, शिवाजी विद्यापीठ कोल्हापूर व अहिल्याबाई होळकर विद्यापीठ सोलापूर कार्यक्षेत्रातील १५० प्राध्यापक मेळाव्यासाठी उपस्थित होते. कार्यक्रमाचे संयोजन कला, विज्ञान व वाणिज्य महाविद्यालय व इंदापूरमधील प्राध्यापकांनी केले.

Leave A Reply

Your email address will not be published.

✅व्हाट्सअँप ग्रुप जॉईन करा!   |  📣टेलीग्राम चॅनल जॉईन करा!