Foreign Scholarship- परदेश शिष्यवृत्तीच्या अर्जासाठी ‘या’ तारखेपर्यंत मुदत

Foreign Scholarships Date Extended

Scholarships are offered by the Department of Higher and Technical Education to students in the open category who wish to go abroad for higher education. The department has given an extension to apply for this scholarship. Students will now be able to apply for the scholarship till November 1, 2021.

उच्च शिक्षणासाठी परदेशी जाऊ इच्छिणाऱ्या खुल्या प्रवर्गातील विद्यार्थ्यांना उच्च व तंत्रशिक्षण विभागातर्फे शिष्यवृत्ती देण्यात येते. या शिष्यवृत्तीसाठी अर्ज करण्यासाठी विभागाकडून मुदतवाढ देण्यात आली आहे. आता विद्यार्थ्यांना १ नोव्हेंबर २०२१ पर्यंत शिष्यवृत्तीसाठी अर्ज करता येणार आहेत.

खुल्या प्रवर्गातील गुणवंत विद्यार्थी आणि विद्यार्थिनींना परदेशात जाऊन उच्च शिक्षण घेता यावे, यासाठी ही शिष्यवृत्ती दिली जाते. यापूर्वी शिष्यवृत्तीसाठी अर्ज करण्यासाठी १८ ऑक्टोबरपर्यंत मुदत देण्यात आली होती. त्यामध्ये आता वाढ करण्यात आली असून, १ नोव्हेंबरपर्यंत विद्यार्थी अर्ज करू शकणार आहेत.

अर्ज पडताळणी आणि स्वीकृती प्रक्रिया पूर्ण करण्यासाठी विद्यार्थ्यांना १ नोव्हेंबरला सायंकाळी पाच वाजेपर्यंत सहसंचालक, उच्च शिक्षण विभाग, पुणे यांच्या कार्यालयात उपस्थित राहणे आवश्यक असणार आहे. विद्यार्थ्यांनी याची नोंद घ्यावी, असे आवाहन विभागाकडून करण्यात आले आहे.

गेल्या काही वर्षांमध्ये उच्च शिक्षण घेण्यासाठी परदेशी जाणाऱ्या विद्यार्थ्यांची संख्या मोठ्या प्रमाणावर वाढली आहे. या पार्श्वभूमीवर २०१८ पासून उच्च व तंत्रशिक्षण विभागातर्फे खुल्या प्रवर्गातील विद्यार्थ्यांसाठी शिष्यवृत्ती सुरू करण्यात आली आहे. या शिष्यवृत्तीचा अनेक विद्यार्थ्यांना लाभ होत असून, आता मुदतवाढ मिळाल्याने आणखी काही विद्यार्थी शिष्यवृत्तीसाठी पात्र ठरू शकणार आहेत.


The Department of Higher and Technical Education has invited applications under the scholarship scheme for higher education abroad for meritorious boys and girls in the open category. For the year 2021-22, students will be able to apply online till October 18. The office of the Joint Director will have till October 20 to complete the required documents along with the copy of the application.

उच्च व तंत्रशिक्षण विभागांतर्गत खुल्या प्रवर्गातील गुणवंत मुला-मुलींना परदेशात उच्च शिक्षणासाठी शिष्यवृत्ती योजनेंतर्गत अर्ज मागविले आहेत. २०२१-२२ या वर्षासाठी विद्यार्थ्यांना १८ ऑक्‍टोबरपर्यंत ऑनलाइन अर्ज भरता येणार आहे. सहसंचालक कार्यालयास अर्जाच्‍या प्रतीसह आवश्‍यक कागदपत्रांच्‍या पूर्ततेसाठी २० ऑक्‍टोबरपर्यंत मुदत असेल.

पदव्युत्तर पदविका, पदव्युत्तर पदवी व पीएच.डी. अभ्यासक्रमासाठी, टाइम्‍स हायर एज्‍युकेशन (THE) किंवा क्‍यूएस (QS) क्रमवारीत दोनशेच्‍या आत असलेल्या परदेशातील शैक्षणिक संस्थेत प्रवेश घेतला असेल, अशा विद्यार्थ्यांना शिष्यवृत्ती मिळू शकते. ही योजना शैक्षणिक वर्ष २०२०-२१ मध्ये कोरोना महामारीच्‍या पार्श्वभूमीवर वित्तीय तुटवड्यामुळे राबविली नव्हती. काही सुधारणांसह शैक्षणिक वर्ष २०२१-२२ मध्ये योजना राबविण्यास शासनाने मान्यता दिली आहे. २०२०-२१ या शैक्षणिक वर्षात परदेशातील विद्यापीठात प्रवेश घेतलेल्‍या विद्यार्थ्यांनाही अर्ज करण्याची संधी असेल. मात्र, अशा विद्यार्थ्यांपैकी ज्यांची निवड होईल, त्यांना प्रथम वर्ष वगळता पुढील अभ्यासक्रमाच्या मान्य कालावधीसाठी शिष्यवृत्ती देय राहील, असे स्‍पष्ट केले आहे.
योजनेच्या सविस्तर अटी व शर्ती, पात्रता, वयोमर्यादा, शैक्षणिक अर्हता, मिळणारे लाभ, शिष्यवृत्तीच्या लाभासाठी निवड कार्यपद्धती आदी माहिती www.foreignscholarship2021.dtemaharashtra.gov.in या संकेतस्थळावर उपलब्ध आहे. योजनेचा जास्‍तीत जास्‍त विद्यार्थ्यांनी लाभ घ्यावा, असे आवाहन तंत्रशिक्षण संचालनालयाचे संचालक डॉ. अभय वाघ यांनी केले आहे.

विभागातील विद्यार्थ्यांना अडचणींसाठी सहाय्यता

नाशिक विभागातील विद्यार्थ्यांना अर्ज भरताना काही अडचणी असल्यास त्यांना मदत उपलब्‍ध होणार आहे. तंत्रशिक्षण विभागीय कार्यालय, नाशिक येथील समन्वयक जयंत गजानन जोशी यांना ७८७५२७६१३६ या क्रमांकावर संपर्क साधता येईल.

या शिक्षणक्रमांसाठी मिळेल शिष्यवृत्ती

विविध सहा शाखांत पदव्‍युत्तर पदविका/ पदव्‍युत्तर पदवी आणि डॉक्‍टरेट शिक्षणक्रमासाठी प्रत्‍येकी एक, अशा एकूण दोन जागा उपलब्‍ध असतील. कला, वाणिज्‍य, विज्ञान, व्‍यवस्‍थापन, विधी आणि औषध निर्माणशास्‍त्र अशा या सहा शाखा आहेत, तर अभियांत्रिकी/वस्‍तुकला शास्‍त्र या शाखेसाठी प्रत्‍येकी चार याप्रमाणे आठ जागांसाठी शिष्यवृत्ती दिली जाणार आहे.


foreign scholarships

The state government is positive to increase the number of beneficiaries of Rajarshi Shahu Maharaj Pardesh Scholarship Scheme from 75 to 200. Another 50 seats will be added from this year and advertisement will be published in the same academic year,

राजर्षी शाहू महाराज परदेश शिष्यवृत्ती योजनेतील लाभार्थी संख्या 75 वरून वाढवून 200 पर्यंत करण्यासाठी राज्य शासन सकारात्मक असून, आणखी 50 जागांची वाढ याच वर्षीपासून करण्यात येईल तसेच याच शैक्षणिक वर्षात त्यासाठी जाहिरात प्रसिद्ध करण्यात येणार असल्याची माहिती राज्याचे सामाजिक न्याय मंत्री धनंजय मुंडे यांनी दिली.

कला शाखेतील फाईन आर्ट्स, फिल्म मेकिंग, ऍनिमेशन, डिझाईन आदी विषयात परदेशात उच्च शिक्षण घेऊ इच्छिणाऱ्या विद्यार्थ्यांना या विषयात शिक्षण देणारी महाविद्यालय जागतिक क्यू एस रँकिंग च्या 300 मध्ये येत नसल्यामुळे लाभ मिळत नव्हता. त्यामुळे क्यू एस रँकिंग सोबतच क्यूएस पब्लिकेशनकडून प्रसिद्ध करण्यात येणाऱ्या सब्जेक्ट रँकिंगचा पर्याय ग्राह्य धरण्यात यावा, कला शाखेतील विद्यार्थ्यांनाही या योजनेतून लाभ देता यावा, या अनुषंगाने निकषात बदल करण्याचे निर्देश सामाजिक न्याय मंत्री श्री. मुंडे यांनी यावेळी दिले आहेत.

राजर्षी शाहू महाराज परदेश शिष्यवृत्ती योजनेची अर्ज करण्यापासूनची सर्व निवडप्रक्रिया ऑनलाईन करण्यात यावी, तसेच यासाठी आवश्यक तांत्रिक मनुष्यबळ व प्रशासकीय खर्चाची तरतूद करून देण्यात येईल. यादृष्टीने कार्यवाही करण्याचेही निर्देश श्री. धनंजय मुंडे यांनी दिले आहेत.


foreign scholarships date extended

The deadline for students to be selected for the academic year 2021-22 under the Rajarshi Shahu Maharaj Pardesh Scholarship Scheme has been extended till June 30, said Dhananjay Munde, Minister of State for Social Justice and Special Assistance

 राजर्षी शाहू महाराज परदेश शिष्यवृत्ती योजनेंतर्गत सन 2021-22 या शैक्षणिक वर्षाकरिता विद्यार्थ्यांची निवड करण्यासाठी विद्यार्थ्यांना देण्यात आलेल्या मुदतीत 30 जून पर्यंत वाढ करण्यात आली असल्याची माहिती राज्याचे सामाजिक न्याय व विशेष सहाय्य विभागाचे मंत्री धनंजय मुंडे यांनी दिली आहे. .

 या योजनेंतर्गत परदेशी नामांकित विद्यापीठात उच्च शिक्षण घेण्यासाठी शिष्यवृत्तीचा लाभ घेण्यासाठी अनुसूचित जातीतील विद्यार्थ्यांना 18 जून 2021 पर्यंत मुदत देण्यात आलेली होती, परंतु बहुतांश विद्यार्थ्यांना परदेशातील संबंधित विद्यापीठांकडून कोविडच्या पार्श्वभूमीवर निर्माण झालेल्या परिस्थितीमुळे विहित मुदतीत ऑफर लेटर प्राप्त न झाल्यामुळे अनेक विद्यार्थ्यांनी मुंडेंकडे मुदतवाढ देण्याबाबत विनंती केली होती.

त्यानुसार धनंजय मुंडे यांनी विभागाला निर्देश देत ही मुदत 30 जून 2021 पर्यंत वाढविण्याच्या सूचना केल्या होत्या. त्यानुसार आज 30 जूनपर्यंत मुदतवाढ देण्यात आल्याने अनुसूचित जातीतील इच्छुक विद्यार्थ्यांना मोठा दिलासा मिळाला आहे.

 परदेश शिष्यवृत्तीसाठी इच्छुक विद्यार्थ्यांनी विहीत नमुन्यातील अर्ज शासनाच्या www.maharashtra.gov.in या अधिकृत संकेतस्थळावरील रोजगार या लिंकवरुन डाऊनलोड करुन घ्यावा. सदर परिपुर्ण अर्ज swfs.applications.2122@gmail.com या ईमेलवर पाढवून त्याची हार्ड्कॉपी विहीत मुदतीत व आवश्यक ते कागदपत्रासह , समाज कल्याण आयुक्तालय 3, चर्च पथ, महाराष्ट्र राज्य, पुणे- ४११००१ या पत्यावर सादर करावा. असे आवाहन समाज कल्याण आयुक्त डॉ.प्रशांत नारनवरे यांनी केले आहे.



 शिष्यवृत्ती परीक्षा लांबणीवर! सप्टेंबर ते नोव्हेंबरपर्यंतचे शैक्षणिक कॅलेंडर जाहीर

 दर वर्षी फेब्रुवारीत होणारी पाचवी व आठवीची शिष्यवृत्ती परीक्षा यंदा दोन महिने लांबणीवर टाकण्यात आली आहे. चालू शैक्षणिक वर्षात ही परीक्षा एप्रिलच्या अंतिम आठवड्यात घेण्याचे निश्‍चित झाले असून, राज्य शासनाच्या शालेय शिक्षण विभागाने याबाबत नुकताच निर्णय जारी केला.

 कोरोनाच्या पार्श्‍वभूमीवर शिष्यवृत्तीची परीक्षा वेळेत घेणे शक्‍य होणार नाही. या परीक्षेबाबत दर वर्षी सप्टेंबरच्या पहिल्या आठवड्यात अधिसूचना जाहीर होते. दरम्यान, ‘शाळा बंद, पण शिक्षण सुरू’ उपक्रमांतर्गत नोव्हेंबरपर्यंतचे शैक्षणिक कॅलेंडर उपलब्ध झाले आहे. राज्य शैक्षणिक संशोधन व प्रशिक्षण परिषदेने (विद्या प्राधिकरण) पहिली ते दहावीचे विद्यार्थी व शिक्षकांसाठी सप्टेंबर ते नोव्हेंबर या तीन महिन्यांची शैक्षणिक दिनदर्शिका (कॅलेंडर) उपलब्ध करून दिली आहे.

 आरोग्य व दैनंदिन उदरनिर्वाहाचा प्रश्‍न असणाऱ्या असंख्य बालकांना परिस्थितीमुळे शिक्षण सोडण्याची वेळ येऊ नये व शिक्षणाशी, शिक्षकांशी त्यांचा संबंध तुटू नये यासाठी ‘शाळा बंद; पण शिक्षण सुरू’ हा उपक्रम राबविण्यात येत आहे. याअंतर्गत पहिल्या टप्प्यात जून, जुलै, ऑगस्ट या तीन महिन्यांचे व आता सप्टेंबर ते नोव्हेंबर अशा तीन महिन्यांचे शैक्षणिक कॅलेंडर जाहीर करण्यात आले आहे .

सोर्स: सकाळ

Leave A Reply

Your email address will not be published.

व्हाट्सअँप ग्रुप जॉईन करा!