Maharashtra Board Exams- राज्यातही बारावीची परीक्षा रद्द

12th Exam 2021 Canceled

The decision to cancel the Class XII examination conducted by the State Board of Education was taken at a meeting of the state cabinet on Wednesday in the wake of the corona outbreak.

 राज्य शिक्षण मंडळामार्फत घेण्यात येणारी बारावीची परीक्षा कोरोना प्रादुर्भावाच्या पार्श्वभूमीवर रद्द करण्याचा निर्णय राज्य मंत्रिमंडळाच्या बैठकीत बुधवारी घेण्यात आला. राज्य आपत्ती व्यवस्थापन प्राधिकरणाच्या मंजुरीनंतर हा निर्णय उच्च न्यायालयास कळविण्यात येणार आहे.

काय असेल फॉर्म्युला?

 परीक्षा न घेता बारावी परीक्षेचा निकाल कसा लावायचा याचा फॉर्म्युला शिक्षण विभाग निश्चित करेल. इयत्ता नववी, दहावी व अकरावीच्या गुणांची सरासरी काढून निकाल देणे, हा एक पर्याय असला तरी गेल्यावर्षी अकरावीची परीक्षा झालेली नव्हती, ही अडचण आहे. तसेच पदवी प्रवेशासाठी सीईटीच्या पर्यायाचा विचार होऊ शकतो .


 10वी परीक्षेबाबत एक-दोन दिवसांत निर्णय घेणार, शिक्षणमंत्री वर्षा गायकवाड

 कोरोनाच्या तिसऱ्या लाटेचा परिणाम लहान मुलांवर होणार असल्याची शक्यता वर्तविण्यात येत आहे. या पार्श्वभूमीवर बारावीच्या विद्यार्थ्यांच्या प्रत्यक्ष परीक्षा न घेता अन्य पर्यायांचा विचार करायला हवा, अशी भूमिका राज्याच्या शिक्षणमंत्री यांनी मांडली, तसेच  परीक्षांबाबत एक-दोन दिवसांत मुख्यमंत्र्यांशी चर्चा करून निर्णय घेणार असल्याचे त्यांनी स्पष्ट केले.

सीबीएसईच्या बारावीच्या परीक्षा आणि व्यावसायिक अभ्यासक्रमाच्या प्रवेश परीक्षांबाबत रविवारी केंद्र आणि राज्यातील मंत्र्यांची उच्चस्तरीय बैठक झाली. मंत्री  यांनी या बैठकीत महाराष्ट्राची भूमिका मांडली. जर सीबीएसईची परीक्षा पुढील महिन्यात घ्यायची असेल, तर पुढील महिन्यातील कोरोना परिस्थिती पाहूनच राज्यांना परीक्षेबाबत विचार करावा लागेल. शिवाय, दीड वर्षापासून बारावीचे विद्यार्थी अभ्यास करत असून, त्यांची मानसिकता विचारात घेऊन निर्णय घ्यावा लागेल. परीक्षेबाबत विद्यार्थी आणि पालकांमध्ये संभ्रम आहे. कोविड महामारीच्या काळात पालकांकडून चिंता व्यक्त केली जात आहे. अनेक व्यावसायिक अभ्यासक्रमांत प्रवेश;परीक्षेद्वारेच प्रवेश दिला जातो. त्यामुळे प्रत्यक्ष परीक्षेपेक्षा मूल्यांकनाची अन्य पद्धत वापरता येईल, अशी भूमिका तज्ज्ञ मांडत आहेत, असे वर्षा गायकवाड यांनी या बैठकीत स्पष्ट केले. सर्व शिक्षक, विद्यार्थ्यांसह संबंधित कर्मचारीवर्गाच्या लसीकरणाची आवश्यकताही गायकवाड यांनी यावेळी व्यक्त केली.

. दहावीच्या मुलांचे नुकसान होऊ नये याची आम्ही काळजी घेत आहोत. असाधारण परिस्थितीत न्यायालयसुद्धा या सर्वांचा सहानुभूतीपूर्वक विचार करेल, अशी भावनाही वर्षा गायकवाड यांनी व्यक्त केली. आठवडाभरात सर्व चित्र स्पष्ट होईल, असेही त्यांनी बैठकीनंतर माध्यमांना सांगितले.


HSC Exam Question Bank

Maharashtra State Council for Educational Research and Training (SCERT) has made available Question Bank for students appearing for Class XII examinations. Students can download these question papers from the official website of the council.

CBSE Board Exam- बारावी परीक्षेसाठी क्वेश्चन बँक जारी

Maharashtra Board 12th Exam Question Bank: महाराष्ट्र राज्य शैक्षणिक संशोधन आणि प्रशिक्षण परिषदेने (SCERT) इयत्ता बारावीची परीक्षा देणाऱ्या विद्यार्थ्यांसाठी विषयनिहाय प्रश्नपेढी (Question Bank) उपलब्ध केली आहे. विद्यार्थी परिषदेच्या अधिकृत संकेतस्थळावरून या प्रश्नपत्रिका डाऊनलोड करू शकतात.

जे विद्यार्थी यंदा बारावीची परीक्षा देणार आहेत, त्यांच्यासाठी ही क्वेश्चन बँक खूपच उपयोगी ठरणार आहे. महाराष्ट्र स्टेट काउंसिल ऑफ एजुकेशन रिसर्च अँड ट्रेनिंग (SCERT) ची वेबसाइट https://maa.ac.in वर जाऊन हे प्रश्न डाऊनलोड करता येतील. ही क्वेश्चन बँक इंग्रजी, मराठी आणि उर्दू अशा तीन भाषांमध्ये आहे.


Maharashtra SSC Exam Canceled

Maharashtra SSC Exam Canceled: Health Minister Rajesh Tope has informed that the Class X examination has been canceled due to the Corona crisis. Tope also informed that the 12th standard examination will be held. An important meeting of the state cabinet was held due to the increasing prevalence of corona. In this meeting, the decision has been taken unanimously in the news of the examination.

 Maharashtra Board Exams-दहावीच्या परीक्षा रद्द, 12वीच्या परीक्षा होणार- कोरोना संकटाच्या पार्श्वभूमीवर दहावीची परीक्षा रद्द करण्यात आल्याची माहिती आरोग्यमंत्री राजेश टोपे यांनी दिली आहे. तर बारावीच्या परीक्षेवर घेण्यात येणार असल्याची माहिती देखील टोपे यांनी या वेळी दिली. कोरोनाच्या वाढत्या प्रादुर्भावमुळे राज्य मंत्रिमंडळाची महत्त्वाची बैठक घेण्यात आली.  या बैठकीत परीक्षेच्या बातमीत एकमताने निर्णय घेण्यात आला आहे.

दहावी बोर्डाच्या परीक्षांसंदर्भात मंत्रिमंडळात चर्चा झाली. यावर्षी परीक्षा रद्द करुन विद्यार्थ्यांना प्रमोट करण्यात यावे यासंदर्भात मंत्रिमंडळात एकमताने निर्णय झाला असल्याची माहिती राजेश टोपे यांनी दिली आहे.


sSC HSC Exam 2021

Education Minister Varsha Gaikwad has recently informed that the 10th and 12th exams have been postponed. Education Minister Varsha Gaikwad has announced that the Class X examination will be held in early June and the Class XII examination will be held at the end of May.

 दहावी आणि बारावीची परीक्षा पुढे ढकलल्याची माहिती शिक्षण मंत्री वर्षा गायकवड यांनी नुकतीच दिली आहे. दहावीची परीक्षा ही जूनच्या सुरूवातीला होणार आहे तसेच बारावीची परीक्षा मे महिन्याच्या अखेरीस होणार असल्याची घोषणा शिक्षण मंत्री वर्षा गायकवड यांनी केली आहे.


SSC HSC Exams 2021

Maharashtra State Board of Secondary and Higher Secondary Education’s 10th-12th examinations will now be able to fill up the registration form online with extra late fee between Friday (9th) and Sunday (11th) April 2021.

दहावी-बारावीच्या विद्यार्थ्यांसाठी ऑनलाइन अर्जासाठी मुदतवाढ

 महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात येणाऱ्या दहावी-बारावीच्या परीक्षेला खासगीरीत्या प्रविष्ट होणाऱ्या विद्यार्थ्यांना आता नावनोंदणी अर्ज अतिविलंब शुल्कासह ऑनलाइन पद्धतीने शुक्रवार (ता. ९) ते रविवार (ता. ११) दरम्यान भरता येणार आहे, अशी माहिती राज्य मंडळाचे सचिव डॉ. अशोक भोसले यांनी दिली आहे.

 राज्य मंडळाच्या वतीने घेण्यात येणाऱ्या दहावी आणि बारावीच्या परीक्षेसाठी विद्यार्थ्यांना खासगीरीत्या फॉर्म नंबर १७ भरून परीक्षा देण्याची सुविधा उपलब्ध करून दिली आहे. एप्रिल-मे २०२१ मध्ये घेण्यात येणाऱ्या परीक्षेसाठी खासगीरीत्या प्रविष्ट होणाऱ्या विद्यार्थ्यांचे नावनोंदणी अर्ज ऑनलाइन पद्धतीने स्वीकारण्यासाठी २८ नोव्हेंबर २०२० ते १० फेब्रुवारीपर्यंतचा कालावधी निश्चित केला होता. आता रविवारपर्यंत अतिविलंब शुल्कासह खासगीरीत्या प्रविष्ट होणाऱ्या विद्यार्थ्यांना अर्ज करता येणार आहे.

 ऑनलाइन अर्ज करण्यासाठी संकेतस्थळ

  • दहावीच्या विद्यार्थ्यांनी येथे क्लिक करा http://form17.mh-ssc.ac.in
  • बारावीच्या विद्यार्थ्यांनी येथे क्लिक करा : http://form17.mh-hsc.ac.in

Maharashtra State Board of Secondary and Higher Secondary Education is preparing to conduct written exams for Class X and XII offline. Similarly, till Saturday 30th April, only one paper of 12th class is coming; Officials also said that efforts are being made by the state board to conduct the exams as per the scheduled schedule as the state government has exempted the candidates from the restrictions.

 दहावी आणि बारावीच्या लेखी परीक्षा ऑफलाइन पद्धतीनेच होणार असल्याचे राज्य मंडळाने पुन्हा एकवार स्पष्ट केले आहे. राज्य सरकारने परीक्षार्थींना निर्बंधांतून सूट दिलेली असल्यामुळे या परीक्षा नियोजित वेळापत्रकाप्रमाणे पार पडणार आहेत.

महाराष्ट्र राज्य माध्यमिक आणि उच्च माध्यमिक शिक्षण मंडळाकडून इयत्ता दहावी आणि बारावीच्या लेखी परीक्षा ऑफलाइन पद्धतीने घेण्याचीच तयारी सुरू आहे. त्याचप्रमाणे ३० एप्रिलपर्यंत शनिवारी बारावीचा केवळ एकच पेपर येत आहे; तसेच राज्य सरकारने परीक्षार्थींना निर्बंधांतून सूट दिलेली असल्यामुळे या परीक्षा नियोजित वेळापत्रकाप्रमाणे घेण्यासाठी राज्य मंडळाकडून प्रयत्न सुरू असल्याचे अधिकाऱ्यांनी सांगितले.


HSC, SSC Exam Final Time Table

HSC SSC Exam 2021 Time Table: Revised final schedule of written and practical examinations for Class X-XII to be conducted in the month of April-May by Maharashtra State Board of Secondary and Higher Secondary Education; Guidelines have also been issued.

दहावी-बारावीच्या लेखी व प्रात्यक्षिक परीक्षांचे सुधारित अंतिम वेळापत्रक; तसेच मार्गदर्शक सूचना बोर्डाने जाहीर केल्या आहेत.

महाराष्ट्र राज्य माध्यमिक व उच्च माध्यमिक शिक्षण मंडळामार्फत एप्रिल-मे महिन्यात घेण्यात येणाऱ्या दहावी-बारावीच्या लेखी व प्रात्यक्षिक परीक्षांचे सुधारित अंतिम वेळापत्रक; तसेच मार्गदर्शक सूचना जाहीर करण्यात आल्या आहेत.

त्यानुसार लेखी परीक्षेसाठी वाढीव वेळ, लेखी परीक्षेनंतर प्रात्यक्षिक कार्य, परीक्षेला मुकलेल्या विद्यार्थ्यांसाठी विशेष परीक्षा, परीक्षा देताना घ्यावयाची दक्षता आदी महत्त्वाचे बदल करण्यात आले असल्याचे राज्य मंडळाचे सचिव डॉ. अशोक भोसले यांनी स्पष्ट केले आहे.

PDF जाहिरात

वेळापत्रक


HSC, SSC Exam 2021

SSC HSC Exam 2021: Students will have half an hour more time for the board exam. Student writing practice has decreased. Therefore, they have been given an extension of half an hour. So the exam will now be three and a half hours. Exams will be conducted offline. School Education Minister Varsha Gaikwad gave this information in a press conference on Saturday.

दहावी, बारावीच्या विद्यार्थ्यांना मोठा दिलासा देणारा निर्णय राज्य सरकारने घेतला आहे. या विद्यार्थ्यांना बोर्ड परीक्षेसाठी अर्धा तास अधिक वेळ मिळणार आहे. गेले वर्षभर विद्यार्थी ऑनलाइन शिक्षण घेत आहेत.

विद्यार्थ्यांचा लिखाणाचा सराव कमी झाला आहे. त्यामुळे त्यांना अर्ध्या तासाचा वेळ वाढवून देण्यात आली आहे. त्यामुळे परीक्षा आता साडे तीन तासांची असणार आहे. परीक्षा ऑफलाइन पद्धतीनेच होणार आहेत. शालेय शिक्षणमंत्री वर्षा गायकवाड यांनी शनिवारी पत्रकार परिषदेत ही माहिती दिली.


SSC HSC Exam 2021 Offline

School Education Minister Varsha Gaikwad clarified in the assembly that the Class X and XII examinations will be held offline in the state.

दहावी व बारावीच्या परीक्षा ऑफलाईन

राज्यात इयत्ता दहावी व बारावी ची परीक्षा ऑफलाईन घेण्यात येणार असल्याचे शालेय शिक्षण मंत्री वर्षा गायकवाड यांनी विधानसभेत स्पष्ट केले. या संदर्भात सुधीर मुनगंटीवार यांनी विधान सभेत मुद्दा उपस्थिती केला होता. त्यावर गायकवाड यांनीसांगितले की, दहावी व बारावीच्या परीक्षा हा महत्वाचा विषय असून विभागा मार्फत चर्चा केली जात आहे.


SSC HSC Exam 2021 Extension For Applications

SSC HSC Exam 2021: The Maharashtra State Board of Secondary and Higher Secondary Education has extended the deadline for online registration of students appearing for the 10th and 12th written examinations to be held in April.

दहावी-बारावी परीक्षांच्या नोंदणीसाठी मुदतवाढ देण्यात आली आहे. विलंब शुल्कासह १ ते ७ मार्च या कालावधीत विद्यार्थ्यांना नोंदणी करता येईल. मात्र त्यानंतर यासाठी कोणतीही मुदतवाढ दिली जाणार नाही..

महाराष्ट्र राज्य माध्यमिक व उच्च माध्यमिक शिक्षण मंडळाकडून एप्रिल महिन्यात घेण्यात येणाऱ्या दहावी व बारावीच्या लेखी परीक्षेला खासगीरित्या बसणाऱ्या विद्यार्थ्यांना ऑनलाइन नोंदणी करण्यासाठीची मुदत वाढवून सुधारित तारखा जाहीर करण्यात आल्या आहेत.

सोमवार २२ ते २८ फेब्रुवारी या कालावधीत शिक्षण मंडळाच्या www.mahahsscboard.in या वेबसाइटवर जाऊन दहावी साठी http://form17.mh-ssc.ac.in या लिंकवर, तर बारावीसाठी http://form17.mh-hsc.ac.in या लिंकवर नोंदणी करता येणार आहे. विलंब शुल्कासह १ ते ७ मार्च या कालावधीत विद्यार्थ्यांना नोंदणी करता येईल. मात्र त्यानंतर यासाठी कोणतीही मुदतवाढ दिली जाणार नसल्याचे शिक्षण मंडळाकडून स्पष्ट करण्यात आले आहे.

दहावी व बारावी परीक्षेसाठी अर्जही ऑनलाइन पद्धतीने नियमित व विलंब शुल्कासह स्वीकारण्यात येणार असल्याने विद्यार्थ्यांनी अर्ज त्यांच्या माध्यमिक शाळा व उच्च माध्यमिक शाळा, ज्युनिअर कॉलेजांमार्फत भरावे. माध्यमिक शाळा व उच्च माध्यमिक शाळा, ज्युनिअर कॉलेजांतील प्राचार्य यांनी ऑनलाइन अर्ज भरताना कोविड-१९च्या पार्श्वभूमीवर सरकारने व विशेषतः आरोग्य विभागाने वेळोवेळी जारी केलेल्या सर्व सूचनांचे व नियमांचे काटेकोरपणे पालन करावे, असे आवाहन शिक्षण मंडळाकडून करण्यात आले आहे.


10 वी, 12 वी च्या परिक्षा आॅनलाईन की आॅफलाईन? बोर्डाने केले स्पष्ट

SSC HSC Exam 2021:The written test for 10th and 12th standard conducted by Maharashtra State Board of Secondary and Higher Secondary Education will be held offline. The main reason for this is that the board is not conducive to taking the exam online

महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात येणाऱ्या १० वी आणि १२वीचीच्या लेखी परीक्षा ऑफलाईनच होणार आहे. यामागचे मुख्य कारण म्हणजे परीक्षा ऑनलाईन घेण्यास बोर्ड अनुकूल नाही. कोरोनाच्या पार्श्वभूमीवर १०वी, १२वीच्या परीक्षांच्या तयारीचा आढावा शिक्षण विभागाने घेतला आहे. या परीक्षा सध्या तरी ठरलेल्या वेळापत्रकानुसार घेण्याबाबत आजच्या बैठकीत चर्चा झाली.

 ग्रामीण भागात इंटरनेट कनेक्टीव्हीटी नसल्याने विद्यार्थ्यी ऑनलाईन परीक्षा देऊ शकत नाहीत असं बैठकीतील चर्चेत समोर आलं. त्यामुळे दहावी, बारावीच्या परीक्षा ऑफलाईनच घेण्याबाबत बोर्डाचा आग्रह आहे.


Good News For 10 Th Graders Extension To Submit Art Points Proposal

The Maharashtra State Board of Secondary and Higher Secondary Education will conduct the 10th written examination in May this year. Accordingly, the students who have excelled in classical arts, painting and folk art have been given an extension till February 27 to submit proposals to the school for concessional marks.

दहावीच्या विद्यार्थ्यांसाठी आनंदाची बातमी! गुणांसदर्भात दिलासादायक निर्णय

औरंगाबाद: महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात येणाऱ्या दहावीची लेखी परीक्षा ही यंदा मे महिन्यात होणार आहे. त्या अनुषंगाने परीक्षेस बसणाऱ्या विद्यार्थ्यांमध्ये शास्त्रीय कला, चित्रकला आणि लोककलेत सहभागी होवून प्राविण्य मिळवलेल्या विद्यार्थ्यांना सवलतीच्या गुणांसाठी शाळेकडे प्रस्ताव दाखल करण्यासाठी २७ फेब्रुवारीपर्यंत मुदतवाढ देण्यात आली आहे.

 यापुर्वी कला गुणांचे प्रस्ताव दाखल करण्यासाठी १५ डिसेंबरपर्यंत मुदत होती. परंतु देशभरात कोरोना विषाणूचा प्रादुर्भाव असल्यामुळे विविध स्तरातून विद्यार्थ्यांना प्रस्ताव सादर करण्यात अडचणी येत होत्या. विद्यार्थ्यांना येणाऱ्या अडचणी लक्षात घेता कलागुणांचे प्रस्ताव दाखल करण्यासाठी विद्यार्थ्यांना मुदतवाढ देण्यात यावी, अशी मागणी महाराष्ट्र राज्य कला शिक्षक महासंघातर्फे करण्यात आली होती.

 या मागणीची दखल घेत राज्यमंडळाने परीक्षा उशीरा होत असल्याने विद्यार्थ्यांना शाळेकडे प्रस्ताव सादर करण्यासाठी २७ फेब्रुवारीपर्यंत मुदतवाढ दिली आहे. तर शाळांनी विभागीय मंडळाकडे प्रस्ताव सादर करण्यासाठी १५ मार्चपर्यंत मुदत देण्यात आली आहे. ही मुदत पुर्वी १५ जानेवारीपर्यंत होती. अशी माहिती राज्यमंडळाच्या सचिव पोपटराव महाजन यांनी पत्राद्वारे दिली आहे.

 ललितकला, चित्रकला लोककला खेळ यातील विशेष प्राविण्यासाठी विद्यार्थ्यांना दरवर्षी पाच ते २५ गुण देण्यात येतात. दरवर्षी हजारो विद्यार्थी या अतिरिक्त गुणांचा फायदा घेतात. कला आणि क्रिडा क्षेत्रात प्राविण्यासाठी दहावीच्या विद्यार्थ्यांना मिळणाऱ्या अतिरिक्त गुणांना यंदा मुकावे लागण्याची शक्यता आहे. कोरोनामुळे यंदा एलिमेंटरी, इंटरमिजिएट चित्रकला परीक्षा, क्रिडास्पर्धा न झाल्यामुळे विद्यार्थ्यांना लाभ मिळणार नसल्याचे दिसत आहे. दरम्यान अतिरिक्त गुणांसाठी प्रस्ताव सादर करण्यास राज्यमंडळाने मुदत वाढवून दिली आहे.


एप्रिलमध्ये होणाऱ्या दहावी, बारावीच्या परीक्षेतील गुणांचा आराखडा कायम

Tenth Twelfth Grade Plan Maintained

Although there was a slight reduction in the syllabus of both the exams, there was no change in the score structure. The schedule of the practical examination will be announced soon. These exams will be the same as before.

मुलांनो लागा तयारीला ; एप्रिलमध्ये होणाऱ्या दहावी, बारावीच्या परीक्षेतील गुणांचा आराखडा कायम

 कोरोनामुळे गेल्या वर्षी दहावी- बारावीच्या परीक्षेचे गणित विस्कळित झाले होते. लॉकडाउनच्या काळात पेपर तपासणी करताना राज्य मंडळाला मोठी कसरत करावी लागली होती. दोन्ही परीक्षेच्या अभ्याक्रमात थोडी कपात झाली तरी गुणांच्या आराखड्यात कोणताही बदल झालेला नाही. प्रात्यक्षिक परीक्षेचे वेळापत्रक लवकरच जाहीर होईल. या परीक्षाही पूर्वीप्रमाणेच होतील.

प्रारंभी ऑनलाईन, नंतर ऑफलाईन पद्धतीने शाळा सुरू झाल्या. बारावीची परीक्षा दर वर्षी फेब्रुवारीत होते. मार्चमध्ये दहावीच्या परीक्षेस प्रारंभ होतो. या वर्षी दोन्ही परीक्षा पुढे गेल्या आहेत. दरवर्षी डिसेंबरमध्ये दोन्ही परीक्षांचा अभ्यासक्रम पूर्ण होतो.

 मात्र  एप्रिलमध्ये होणाऱ्या दहावी, बारावीच्या परीक्षेतील गुणांच्या आराखड्यात कोणताही बदल होणार नसल्याचे विभागीय मंडळाच्या सूत्रांनी आज “सकाळ’ला सांगितले. लेखी परीक्षा 100 गुणांचीच होईल, असेही स्पष्ट करण्यात आले.

 यावर्षी शाळा तसेच कनिष्ठ महाविद्यालये उशिरा सुरू झाली. ऑनलाईन अभ्यासक्रम शिकविताना ज्या भागात मोबाईला रेंज नव्हती, तेथे अडचणी निर्माण झाल्या. कोरोनाच्या पार्श्‍वभूमीवर गुणांकन कमी होईल का, अशी शंका होती. बारावीच्या परीक्षेस 23 एप्रिलपासून, तर दहावीच्या परीक्षेस 29 एप्रिलपासून सुरवात होत आहे. शाळा तसेच कनिष्ठ महाविद्यालये सुरू झाल्यावर उर्वरित अभ्यासक्रम पूर्ण करण्यावर सध्या शिक्षक व प्राध्यापकांचा भर आहे. कोल्हापूर विभागातून दहावीच्या परीक्षेस सुमारे दीड लाख विद्यार्थी दरवर्षी सामोरे जातात.

 कोणताही बदल नाही; परीक्षा 100 गुणांचीच होणार 

दहावी, बारावीच्या गुणांच्या आराखड्यात कोणताही बदल झालेला नाही. पूर्वीप्रमाणे 100 गुणांची परीक्षा होईल. एकूण अभ्यासक्रमातील 25 टक्के आशय कमी होईल. प्रात्यक्षिक परीक्षांचे वेळापत्रकही लवकरच जाहीर होईल.

देवीदास कुलाळ, प्रभारी सचिव, कोल्हापूर विभागीय मंडळ


दहावी-बारावीच्या विद्यार्थ्यांनो, अभ्यासात अडचणी येताहेत? मग ही बातमी वाचाच

  दहावी आणि बारावीच्या विद्यार्थ्यांना अभ्यासात येणाऱ्या अडचणी सोडविण्यासाठी शालेय शिक्षण विभागाने 426 तज्ज्ञ समुपदेशक आणि 596 विषय तज्ज्ञांची नियुक्‍ती केली आहे. दहावी आणि बारावीच्या परीक्षा एप्रिलपासून सुरू होत आहेत. करोनामुळे सध्या ऑनलाइन शिक्षण सुरू आहे. तसेच, अभ्यासक्रमातही कपात केली आहे. मात्र, सर्वच विद्यार्थ्यांना करोनाच्या पार्श्‍वभूमीवर योग्य पद्धतीने शिक्षण घेता आले नाही, अशा विद्यार्थ्यांना शालेय शिक्षण विभागामार्फत समुपदेशन करण्यात येणार आहे.

 तसेच, त्यांना अभ्यासात येणाऱ्या अडचणी आणि शंकाचे समाधान करण्यासाठी तज्ज्ञ शिक्षकांकडून प्रश्‍नोत्तरातून संवाद साधला;जाणार आहे. त्यासाठी ५९६ शिक्षकांची नियुक्‍ती केली आहे. जिल्हानिहाय शिक्षकांची यादी महाराष्ट्र राज्य शैक्षणिक संशोधन व प्रशिक्षण परिषदेच्या maa.ac.in  या संकेतस्थळावर उपलब्ध करून देण्यात आली आहे.


Maharashtra SSC  HSC Board Exam And Result Date 2021:

मोठी बातमी! 10 वी आणि 12 वीच्या परीक्षा ‘या’ दिवशी होणार

Maharashtra Ssc Hsc Board Exam And Result Date 2021: The Department of School Education has decided to conduct the SSC (10th) Board Examination from April 29 to May 31, 2021.The written examination for Higher Secondary Certificate 12th will be held from 23rd April 2021 to 29th May 2021. The results of the 12th exam will be announced in the last week of July 2021. The written examination for the certificate examination in secondary schools will be held from April 29, 2021 to May 31, 2021 and the results of the 10th examination will be announced in the last week of August 2021

Ssc, Hsc ExamDate 2021 : एसएससी (10 वी) बोर्डाची परीक्षा 29 एप्रिल ते 31 मे 2021 या कालावधीत घेण्याचा निर्णय शालेय शिक्षण विभागाने घेतलाय.

कोरोनाच्या संकटामुळे अनेक ठिकाणी शाळा आणि कॉलेजेस बंद करण्यात आले होते. पण कोरोनाचा प्रादुर्भाव हळूहळू कमी होत असल्यानं जनजीवन पुन्हा एकदा सुरळीत होतंय. एसएससी (10 वी) बोर्डाची परीक्षा 29 एप्रिल ते 31 मे 2021 या कालावधीत घेण्याचा निर्णय शालेय शिक्षण विभागाने घेतलाय. दहावी परीक्षेचा निकाल ऑगस्ट 2021 च्या शेवटच्या आठवड्यात जाहीर करण्यात येईल. कोरोनाच्या पार्श्वभूमीवर सुरक्षेची काळजी घेण्यात येईल, अशी माहिती शालेय शिक्षणमंत्री वर्षा गायकवाड यांनी दिलीय. (Maharashtra Ssc Hsc Board Exam And Result Date 2021 )

आता 10 वी आणि 12 वीच्या परीक्षेसंदर्भात शालेय शिक्षणमंत्री वर्षा गायकवाड यांनी मोठी घोषणा केलीय. उच्च माध्यमिक प्रमाणपत्र 12 वीची लेखी परीक्षा 23 एप्रिल 2021 ते 29 मे 2021 या कालावधीत घेण्यात येईल. 12 वी परीक्षेचा निकाल अंदाजे जुलै 2021 च्या शेवटच्या आठवड्यात जाहीर करण्यात येणार आहे. माध्यमिक शालांत प्रमाणपत्र परीक्षेची लेखी परीक्षा 29 एप्रिल 2021 ते 31 मे 2021 या कालावधीत घेण्यात येईल आणि 10 वी परीक्षेचा निकाल ऑगस्ट 2021 च्या शेवटच्या आठवड्यात जाहीर करण्यात येणार आहे.

कोविड 19 च्या संदर्भात केंद्र आणि राज्य शासन तसेच आरोग्य विभागाने वेळोवेळी निर्गमित केलेल्या मार्गदर्शक सूचनांचे काटेकोरपणे पालन करण्याच्या अधीन राहून परीक्षा आयोजित करण्यास मान्यता देण्यात येत असल्याची माहिती शालेय शिक्षणमंत्री वर्षा गायकवाड यांनी दिलीय.


SSC HSC Exams 2021: दहावी, बारावी परीक्षा मे महिन्यापूर्वी नाहीच – वर्षा गायकवाड

SSC HSC Board Exams 2021 Will Not Be Held Before May 2021

SSC HSC Exams 2021: दहावी, बारावी परीक्षा मे महिन्यापूर्वी नाहीच – वर्षा गायकवाड

पुढील वर्षी २०२१ मध्ये होणाऱ्या दहावी, बारावीच्या परीक्षा मे महिन्यापूर्वी घेतल्या जाणार नाहीत, अशी घोषणा शालेय शिक्षणमंत्री वर्षा गायकवाड यांनी केली….

SSC HSC Exams 2021: दहावी, बारावी परीक्षा मे महिन्यापूर्वी नाहीच – वर्षा गायकवाड
SSC HSC Exams 2021: महाराष्ट्र राज्य माध्यमिक आणि उच्च माध्यमिक मंडळामार्फत घेण्यात येणाऱ्या दहावी आणि बारावीच्या यंदाच्या परीक्षा मे २०२१ पूर्वी होणार नाहीत, असे शालेय शिक्षणमंत्री वर्षा गायकवाड यांनी स्पष्ट केले आहे. करोना व्हायरस महामारी स्थितीमुळे परीक्षा मे महिन्याच्या आधी होणार नाहीत, असं त्यांनी स्पष्ट केलं.सर्वसाधारणपणे बारावीची बोर्डाची परीक्षा फेब्रुवारी महिन्यात तर दहावीची परीक्षा मार्च महिन्यात सुरु होते. २०२० मध्येही या परीक्षा नियोजित वेळेतच पार पडल्या होत्या. मात्र दहावीचा केवळ भूगोल विषयाचा पेपर लॉकडाऊनमुळे लांबणीवर टाकण्यात आला होता. मात्र लॉकडाऊनमुळे पेपर तपासणीला उशीर लागून निकाल विलंबाने लागले. दरम्यान, इयत्ता दहावी, बारावीचे चालू शैक्षणिक वर्ष २०२०-२१ चे वर्ग करोना महामारी स्थितीमुळे ऑनलाइनच सुरू आहेत. परिणामी या परीक्षा कधी होणार, होणार की नाही याबाबत पालक-विद्यार्थ्यांच्या मनात साशंकता होती.

परीक्षांविषयी माहिती देताना गायकवाड म्हणाल्या, ‘करोना विषाणू संसर्गाची सध्याची स्थिती पाहता ही परिस्थिती आणखी काही काळ राहील, असे चित्र दिसत आहे. या पार्श्वभूमीवर आम्ही बोर्डाच्या परीक्षा आणि अभ्यासक्रम आदी मुद्द्यांवर चर्चा केली. राज्य मंडळाला मे २०२१ पू्र्वी दहावी, बारावीच्या परीक्षा घेता येणार नाहीत. आम्ही २५ टक्के अभ्यासक्रम कमी करण्याचा निर्णय यापूर्वीच घेतला आहे.’

दरम्यान, दिवाळीनंतर २३ नोव्हेंबर पासून इयत्ता नववी ते बारावीचे वर्ग प्रत्यक्ष सुरु करण्याच्या प्रस्तावावर राज्य सरकार विचार करत आहे, अशी माहिती शालेय शिक्षणमंत्री वर्षा गायकवाड यांनी दिली आहे.

1 Comment
  1. , Omkar langote says

    12 वी चा वेळापत्रक

Leave A Reply

Your email address will not be published.

व्हाट्सअँप ग्रुप जॉईन करा!