दहावी-बारावी पुरवणी परीक्षांचे वेळापत्रक जाहीर

SSC Hsc Re-Exam Time Table 2020

राज्य मंडळाच्या दहावी-बारावी पुरवणी परीक्षांंच्या तारखा जाहीर झाल्या आहेत…

SSC HSC Re-Exam TimeTable 2020: महाराष्ट्र राज्य माध्यमिक आणि उच्च माध्यमिक मंडळाने इयत्ता दहावी-बारावीच्या पुरवणी परीक्षा / फेरपरीक्षांच्या तारखा जाहीर केल्या आहेत. त्यानुसार दहावी, बारावीच्या लेखी परीक्षा २० नोव्हेंबर २०२० पासून सुरू होत आहेत. प्रात्यक्षिक परीक्षा ११ नोव्हेंबर पासून सुरू होत आहेत.

लेखी परीक्षांचे वेळापत्रक पुढीलप्रमाणे –

इयत्ता — कालावधी
दहावी – २० नोव्हेंबर २०२० ते ५ डिसेंबर २०२०

बारावी (सर्वसाधारण आणि दि्वलक्षी) – २० नोव्हेंबर ते १० डिसेंबर २०२०

बारावी (व्यवसाय अभ्यासक्रम) – २० नोव्हेंबर ते ७ डिसेंबर २०२०

प्रात्यक्षिक परीक्षांचे वेळापत्रक

इयत्ता दहावीच्या प्रात्यक्षिक, श्रेणी, तोंडी परीक्षा १८ नोव्हेंबर २०२० ते ५ डिसेंबर २०२० या कालावधीत घेतल्या जातील. इयत्ता बारावीच्या प्रात्यक्षिक, श्रेणी, तोंडी परीक्षा १८ नोव्हेंबर २०२० ते १० डिसेंबर २०२० या कालावधीत आयोजित केल्या जातील.

सविस्तर वेळापत्रक राज्य मंडळाच्या अधिकृत संकेतस्थळावर उपलब्ध करून देण्यात आले आहे. परीक्षेच्या वेळी त्यांच्या शाळा किंवा कनिष्ठ महाविद्यालयांकडे विभागीय मंडळामार्फत आलेले छापील स्वरुपातील वेळापत्रक अंतिम असेल याची विद्यार्थ्यांनी नोंद घ्यावी, असे आवाहन देखील मंडळाने केले आहे.

दहावी पुरवणी परीक्षांचे सविस्तर वेळापत्रक पाहण्यासाठी येथे क्लिक करा.

बारावी जनरल आणि बायफोकल पुरवणी परीक्षांचे सविस्तर वेळापत्रक पाहण्यासाठी येथे क्लिक करा.

बारावी व्होकेशनल पुरवणी परीक्षांचे सविस्तर वेळापत्रक पाहण्यासाठी येथे क्लिक करा.

ज्या विद्यार्थ्यांना या फेरपरीक्षेला बसायचे आहे, ते विद्यार्थी बोर्डाच्या www.mahahsscboard.in या अधिकृत संकेतस्थळावर ऑनलाइन पद्धतीने अर्ज भरायचे आहेत. अर्ज भरण्याच्या तारखा राज्य शिक्षण मंडळाने जाहीर केल्या आहेत.

फेरपरीक्षा किंवा पुरवणी परीक्षेसाठी अर्ज करण्याचे वेळापत्रक पुढीलप्रमाणे –

नियमित शुल्कासह अर्ज करणे – २० ऑक्टोबर ते २९ ऑक्टोबर २०२०

विलंब शुल्कासह अर्ज करणे – ३० ऑक्टोबर ते २ नोव्हेंबर २०२०

जे विद्यार्थी अनुत्तीर्ण आहेत ते किंवा ज्या विद्यार्थ्यांना उत्तीर्ण असूनही श्रेणी सुधारायची आहे, असे सर्व विद्यार्थी ही पुरवणी परीक्षा देऊ शकतील. श्रेणीसुधारसाठी नोव्हेंबर-डिसेंबर २०२० आणि फेब्रुवारी-मार्च २०२१ अशा लगतच्या दोनच संधी उपलब्ध राहणार आहेत. नियमित शुल्कासह अर्ज भरण्याच्या तारखांमध्ये कोणतीही मुदतवाढ देण्यात येणार नसल्याचेही राज्य मंडळाने स्पष्ट केले आहे.

राज्य मंडळाच्या अधिकृत संकेतस्थळावर जाण्यासाठी येथे क्लिक करा.


SSC HSC Supplementary Exam 2020

 कोल्हापूर : कोरोनामुळे रखडलेली दहावी आणि बारावीची पुरवणी परीक्षा दिवाळीनंतर घेण्याचे नियोजन राज्य माध्यमिक व उच्च माध्यमिक परीक्षा मंडळाच्या स्तरावर सुरू आहे. परीक्षा केंद्रांची संख्या कमी करून तालुक्‍याच्या ठिकाणी एकाच केंद्रात सोशल डिस्टन्स राखून ही परीक्षा घेण्याचा विचार सुरू आहे

 दहावी आणि बारावीच्या पुरवणी परीक्षेसाठी राज्यात सुमारे एक लाख ८० हजार विद्यार्थी पात्र आहेत. फेब्रुवारी, मार्चमध्ये झालेल्या परीक्षेत हे विद्यार्थी अनुत्तीर्ण झाले. विद्यार्थ्यांच्या कपाळावरील ‘नापास’ हा शिक्का पुसला जावा, यासाठी तत्कालीन भाजप सरकारने पुरवणी परीक्षेला सुरवात केली. जूनमध्ये परीक्षांचे निकाल लागल्यावर जुलै किंवा ऑगस्टमध्ये तातडीने ही परीक्षा घेतली जायची.

 उत्तीर्ण विद्यार्थ्यांना अकरावीच्या प्रवेशाचा मार्ग यामुळे खुला व्हायचा. एटीकेटी विद्यार्थ्यांना दोन परीक्षांची संधी दिली जात होती. कोरोनामुळे दहावी आणि बारावीच्या नियमित परीक्षा तसेच फेरपरीक्षेचे वेळापत्रक कोलमडले. कोरोनामुळे सोशल डिस्टन्स राखून परीक्षा घेणे कठीण आहे. विद्यार्थ्यांची संख्याच मोठी असल्याने राज्य मंडळासमोर अडचणी निर्माण झाल्या. त्यामुळे जुलै, ऑगस्टमध्ये होणारी परीक्षा पुढे गेली.

 एका तालुक्‍याला दहावी आणि बारावीसाठी प्रत्येकी एकच केंद्र बनवून तेथे ही परीक्षा घेतली जाईल. पूर्वी एका वर्गात २५ विद्यार्थ्यांना बसवून परीक्षा घेतली जात होती. आता ही बैठक व्यवस्था शक्‍य नाही. त्यामुळे स्वतंत्र केंद्र करूनच ही परीक्षा होईल. नियमित परीक्षांच्या निकालानंतरही अकरावीचे वर्ग अद्याप सुरू झालेले नाहीत. बारावीनंतरच्या वरिष्ठ महाविद्यालयाची स्थितीही अशीच आहे. या पार्श्‍वभूमीवर अनुत्तीर्ण विद्यार्थ्यांवर अन्याय होऊ नये, यासाठी कोणत्याही परिस्थितीत ही परीक्षा घेण्याचे प्रयत्न सुरू झाले आहेत

 कोल्हापूर विभागांतर्गत जिल्ह्यासह सांगली, सातारा यांचा समावेश होतो. यंदा बारावीचा निकाल ९३ टक्के, तर दहावीचा निकाल ९७ टक्के लागला. त्यामुळे कोल्हापूर विभागात अनुत्तीर्ण होणाऱ्या विद्यार्थ्यांची संख्या कमी आहे. तिन्ही जिल्ह्यांत मिळून दोन्ही परीक्षांचे साधारण २५ हजार विद्यार्थी परीक्षा देतील. त्यामुळे त्यांचे शैक्षणिक नुकसान टाळता येणार आहे.


SSC HSC Re-Exam 2020 State Board of Secondary and Higher Secondary Education Class X and XII upgrades as well as re-examinations will not take place in October. Considering the situation of COVID-19 in the state, these examinations will now be held only after Diwali. This information was given by the school education minister Varsha Gaikwad while talking to the media on Wednesday.

दहावी, बारावीच्या ऑक्टोबर फेरपरीक्षा लांबणीवर

हावी, बारावीच्या विद्यार्थ्यांच्या ऑक्टोबर फेरपरीक्षा लांबणीवर पडल्या आहेत. या परीक्षा दिवाळीनंतरच होण्याची शक्यता शिक्षणमंत्र्यांनी बोलून दाखवली.

SSC HSC Re-Exam 2020: राज्य माध्यमिक आणि उच्च माध्यमिक शिक्षण मंडळाच्या दहावी आणि बारावीच्या श्रेणीसुधार तसेच पुनर्परीक्षा ऑक्टोबरमध्ये होणार नाहीत. राज्यातील कोविड – १९ स्थिती पाहता या परीक्षा आता दिवाळीनंतरच होणार आहेत. शालेय शिक्षण मंत्री वर्षा गायकवाड यांनी बुधवारी प्रसारमाध्यमांशी बोलताना ही माहिती दिली.

टाकण्याचा निर्णय घेण्यात आला असल्याची माहिती गायकवाड यांनी दिली. ‘या परीक्षा सर्वसाधारण स्थितीत ऑक्टोबर महिन्यात घेतल्या जातात. परंतु यंदा राज्यावर करोनाचं सावट असल्याने या परीक्षा नोव्हेंबर किंवा कदाचित डिसेंबरपर्यंतही लांबणीवर पडतील,’ असं त्या म्हणाल्या.

दरम्यान, दरवर्षी दहावी आणि बारावीच्या अनुत्तीर्ण विद्यार्थ्यांना तत्काळ फेरपरीक्षा देऊन उत्तीर्ण होण्याची संधी दिली गेल्या काही वर्षांपासून मिळत होते. माजी शिक्षणमंत्री विनोद तावडे यांनी हा निर्णय घेतला होता. यानुसार दहावी, बारावीचा निकाल साधारणपणे मे महिन्यात जाहीर झाल्यानंतर तत्काळ जुलै-ऑगस्टमध्ये फेरपरीक्षा घेतली जात होती, जेणेकरून विद्यार्थ्यांचे शैक्षणिक वर्ष वाया जात नव्हते. पण यंदा परीक्षांचे निकालच मुळात जुलै मध्ये लागल्याने या फेरपरीक्षाही झाल्या नाहीत. यामुळे अनुत्तीर्ण विद्यार्थ्यांना शैक्षणिक वर्ष वाचवण्याची संधी मिळालेली नाही.

कोविड-१९ संसर्ग स्थितीमुळे यंदा दहावी-बारावीच्या मूल्यांकन प्रक्रियेस आणि पर्यायाने निकालास विलंब झाला. लॉकडाऊनमुळे दहावीची भूगोल विषयाची परीक्षा देखील रद्द करण्यात आली होती. विद्यार्थ्यांना या विषयाचे सरासरी गुण देण्यात आले. कोविड-१९ संसर्गग्रस्त रुग्णांची संख्या अद्यापही कमी झालेली नाही. महाराष्ट्रात अनेक जिल्ह्यांना करोना संसर्गाचा फटका बसला आहे. या सगळ्याचा परिणाम परीक्षांवर होत आहे. करोनामुळे अनेक शाळांच्या इमारतींचे रुपांतर क्वारंटाइन सेंटरमध्ये करण्यात आले आहे. परिणामी तूर्त तरी कोणत्याही परीक्षा घेण्याची राज्य सरकारची मानसिकता नाही. याचाच परिणाम म्हणून दहावी, बारावी फेरपरीक्षा लांबणीवर पडल्या आहेत.

सोर्स:म.टा.


SSC-HSC Re-Exam: For students who failed the Maharashtra State Board of Secondary and Higher Secondary Education’s 10th-12th exams in February-March, the chances of a re-examination this year are slim. The year of failed students should not be wasted, so for the last few years this examination is conducted in July-August. However, due to the outbreak of corona this year, the chances of this test happening are low

10th 12th Re-examination : दहावी-बारावी फेरपरीक्षांचा निर्णय अद्याप नाहीच, यंदा अनुत्तीर्णांचा जीव टांगणीला

महाराष्ट्र राज्य माध्यमिक आणि उच्च माध्यमिक शिक्षण मंडळाकडून फेब्रुवारी-मार्च महिन्यात घेण्यात आलेल्या दहावी-बारावीच्या परीक्षेत अनुत्तीर्ण विद्यार्थ्यांसाठी यंदा फेरपरीक्षाचा निर्णय मंडळाकडून अद्याप घेण्यात आला नाही. यामुळे अनुत्तीर्ण विद्यार्थ्यांची व पालकांची धाकधूक वाढली असून त्यांचे यंदाचे वर्ष वाया जाणार की काय अशी चिंता त्यांना सतावू लागली आहे.

कोरोनाच्या पार्श्वभूमीवर लॉकडाऊन कालावधी वाढवल्यामुळे मंडळाला निर्णय घेण्यास उशिरा लागत असल्याची माहिती पुढे येत असली तरी यासंदर्भात मंडळाने निर्णय लवकर जाहीर करावा अशी मागणी शिक्षक, पालक करत आहेत. कोरोनाचा संसर्ग पाहता, आॅगस्ट महिन्यातही परिस्थिती कायम राहण्याची शक्यता असल्याचे दिसून येते. शाळा व शैक्षणिक संस्था या कालावधीत बंदच राहणार आहेत. त्यामुळे निकालानंतर लगेचच आॅगस्टमध्ये ही परीक्षा घेणे शक्य नाही. यंदा मंडळाने जाहीर केलेल्या प्रसिद्धिपत्रकातही या परीक्षांबाबत उल्लेख केलेला नाही. एकीकडे आॅनलाइन शाळा सुरू झाल्या आहेत.

एकीकडे अकरावी प्रवेशप्रक्रिया तर दुसरीकडे बारावीनंतरच्या पदवी प्रवेशप्रक्रियांनाही सुरुवात झाली आहे. या प्रवेशप्रक्रिया पार पडण्याच्या आत फेरपरीक्षा होऊन निकाल जाहीर न झाल्यास आणि परीक्षांना लेटमार्क लागला तर उत्तीर्ण होऊनही विद्यार्थ्यांचे वर्ष वाया जाण्याची भीती शिक्षक व्यक्त करत आहेत. हीच भीती पालक आणि विद्यार्थ्यांच्या मनातही आहे. यंदा दहावीचा राज्याचा निकाल ९५.३० टक्के लागला असून परीक्षेतील अनुत्तीर्ण विद्यार्थ्यांची संख्या ७३ हजार ९९८ इतकी आहे, तर बारावीचा राज्याचा निकाल ९०.६६ टक्के लागला असून राज्यातील अनुत्तीर्ण विद्यार्थ्यांची संख्या १ लाख ३१ हजार ९७५ इतकी आहे.

एकीकडे अकरावी प्रवेशप्रक्रिया तर दुसरीकडे बारावीनंतरच्या पदवी प्रवेशप्रक्रियांनाही सुरुवात झाली आहे. या प्रवेशप्रक्रिया पार पडण्याच्या आत फेरपरीक्षा होऊन निकाल जाहीर न झाल्यास आणि परीक्षांना लेटमार्क लागला तर उत्तीर्ण होऊनही विद्यार्थ्यांचे वर्ष वाया जाण्याची भीती शिक्षक व्यक्त करत आहेत.

सोर्स: लोकमत


SSC HSC Re-Exam 2020

SSC-HSC Re-Exam: For students who failed the Maharashtra State Board of Secondary and Higher Secondary Education’s 10th-12th exams in February-March, the chances of a re-examination this year are slim. The year of failed students should not be wasted, so for the last few years this examination is conducted in July-August. However, due to the outbreak of corona this year, the chances of this test happening are low

दहावी-बारावी फेरपरीक्षा तत्काळ नाही?

दहावी-बारावी विद्यार्थ्यांवर अनुत्तीर्णचा शिक्का बसू नये दरवर्षी निकाल लागल्यावर तत्काळ फेरपरीक्षा घेऊन या विद्यार्थ्यांना वर्ष वाचवण्याची संधी दिली जाते. मात्र यंदा ही परीक्षा तत्काळ होण्याची शक्यता धूसर आहे.

.

SSC-HSC Re-Exam: महाराष्ट्र राज्य माध्यमिक आणि उच्च माध्यमिक शिक्षण मंडळाकडून फेब्रुवारी-मार्च महिन्यात घेण्यात आलेल्या दहावी-बारावीच्या परीक्षेत अनुत्तीर्ण विद्यार्थ्यांसाठी यंदा फेरपरीक्षा होण्याची शक्यता धूसर आहे. अनुत्तीर्ण विद्यार्थ्यांचे वर्ष वाया जाऊ नये, म्हणून गेल्या काही वर्षांपासून ही परीक्षा जुलै-ऑगस्टमध्ये घेण्यात येते. मात्र, यंदा करोनाच्या प्रादुर्भावामुळे या परीक्षा होण्याची शक्यता कमी आहे.

दहावी, बारावीत नापास झाल्यास पुन्हा परीक्षा होणार की नाही?

दहावी-बारावीच्या परीक्षेत अनुत्तीर्ण झालेल्या विद्यार्थ्यांचे शैक्षणिक वर्ष वाया जाऊ नये, विनोद तावडे शिक्षणमंत्री असतांना, त्यांनी ऑक्टोबरमध्ये होणारी फेरपरीक्षा जुलै-ऑगस्टमध्ये घेण्याचा निर्णय घेतला. त्यानुसार जुलै २०१५ पासून फेरपरीक्षा घेण्यात येते. या परीक्षेत उत्तीर्ण होणाऱ्या विद्यार्थ्यांना उच्चशिक्षणाची संधी मिळते. मात्र, यंदा करोनाच्या प्रादुर्भावामुळे राज्य सरकारने विद्यापीठांच्या परीक्षा रद्द करण्याचा निर्णय घेतला आहे. तर, राज्य मंडळाचा बारावीचा निकाल दीड महिने उशिरा जाहीर झाला. तर, दहावीचा निकाल जुलै अखेर जाहीर होण्याची शक्यता आहे. त्यातच करोनाचा प्रादुर्भाव ऑगस्ट महिन्यात कायम राहण्याची शक्यता वर्तविण्यात आली आहे. त्यामुळे ऑगस्टमध्ये ही परीक्षा घेणे शक्य नाही. यंदा मंडळाने जाहीर केलेल्या प्रसिद्धी पत्रकात देखील या परीक्षांबाबत उल्लेख नाही. त्यामुळे या परीक्षा पुन्हा ऑक्टोबर होण्याची शक्यता असून, शैक्षणिक वर्षाची सुरुवात झाल्याने त्या परीक्षेत उत्तीर्ण होणाऱ्या विद्यार्थ्यांना उच्चशिक्षणाची संधी मिळणार नाही. त्यामुळे यंदा अनुत्तीर्ण विद्यार्थ्यांचे वर्ष वाया जाण्याची शक्यता आहे. याबाबत, मंडळाच्या अधिकाऱ्यांशी चर्चा केली असता, त्यांनी याबाबत काहीच सांगता येणार नाही, अशी प्रतिक्रिया दिली.

जुलैअखेर दहावीचा निकाल

राज्य मंडळाचा साधारण बारावीचा निकाल जाहीर झाल्यावर, आठ ते दहा दिवसांत दहावीचा निकाल जाहीर होतो. मात्र, यंदा करोनाच्या प्रादुर्भावामुळे उत्तरपत्रिका तपासणीचे काम रखडले. त्यामुळे दहावीचा निकाल जुलैअखेरपर्यत लागण्याची शक्यता आहे, असे मंडळाकडून सांगण्यात आले.

सोर्स:मटा

3 Comments
  1. Anil Bhilawekar says

    मग पेपर काधि घेणार बँक विषयांचे 12 वी वर्ग चा

  2. जाधव says

    तुम्हाला ह्याबद्दल विचार करायला पाहिजे अस वर्ष भर एक दोन विषयासाठी पूर्ण वर्ष घालवायचा का तुम्ही फेरपरीक्षा घ्या नाहीतर पास करुन टाका

  3. Abasaheb says

    Thanks for information.

Leave A Reply

Your email address will not be published.

व्हाट्सअँप ग्रुप जॉईन करा!