GovNokri.in
सर्वात तत्पर जॉब अपडेट्स..

NMMC Outsourcing the Recruitment Process

NMMC Outsourcing the Recruitment Process

नवी मुंबई महापालिकेत बाह्ययंत्रणेद्वारे नोकरभरती

NMMC Recruitment 2019 : Navi Mumbai Municipal Corporation has begun preparations for outsourcing of manpower in a contractual manner to reduce the cost of administration. In order to make any changes or suggestions in the draft tender prepared by the administration department, all the department heads gave written orders to the administration by Monday, November 18th. More details of this recruitment related matter are given below:

ठोक मानधानवरील कर्मचाऱ्यांवर बेरोजगारीची कुऱ्हाड

नवी मुंबई महापालिकेने प्रशासनावरील खर्च कमी करण्यासाठी कंत्राटदारी पद्धतीने मनुष्यबळ बाह्ययंत्रणेद्वारा (आऊटसोर्स) घेण्याबाबत तयारी सुरू केली आहे. यासाठी प्रशासन विभागाने तयार केलेल्या प्रारूप निविदेत काही बदल व सूचना करायच्या असतील, तर सर्व विभाग प्रमुखांनी सोमवार १८ नोव्हेंबरपर्यंत आपल्या सूचना प्रशासनाकडे पाठविण्याचे लेखी आदेश दिले.

बाह्ययंत्रणेद्वारे मनुष्यबळाची भरती करण्याच्या प्रशासनाच्या भूमिकेमुळे, महापालिकेत १५ वर्षांपेक्षा जास्त काळ ठोक मानधनावर विविध विभागांमध्ये काम करणाऱ्या सुमारे ६००पेक्षा जास्त कर्मचाऱ्यांच्या नोकरीवर गदा येण्याची शक्यता व्यक्त केली जात आहे. नवी मुंबई म्युनिसिपल मजदूर युनियनने प्रशासनाच्या या भूमिकेचा विरोध केला असून सर्वप्रथम ठोक मानधनावर काम करणाऱ्या कर्मचाऱ्यांना महापालिकेच्या सेवेत कायम करण्याची मागणी केली. त्यासाठी न्यायालयाचे दरवाजे ठोठावणार असल्याचे युनियनचे म्हणणे आहे.

महापालिका अस्तित्वात आल्यापासून महापालिकेच्या स्वतंत्र सेवा नियम व पदनिर्मितीला सरकारची मंजुरी नसल्याने, जवळपास १३ लाख लोकसंख्या असलेल्या शहरातील नागरिकांना मूलभूत सुविधा पुरविण्यात कमी मनुष्यबळाअभावी अडचणी होऊ लागल्याने सरकारच्या मंजुरीला अधीन राहून प्रशासनाने सुमारे ६०० कर्मचाऱ्यांची ठोकमानधानवर नियुक्ती केली आहे. १५ वर्षांपेक्षा जास्त काळ हे कर्मचारी महापालिकेच्या सेवेत काम करीत आहेत. नवी मुंबई महापालिकेच्या सेवेतील कायमस्वरूपी कर्मचारी व अधिकाऱ्यांची संख्या एकूण ३,४००पर्यंत असून कायमस्वरुपी व करारपद्धतीवरील कर्मचाऱ्यांच्या पगारावर महापालिका उत्पन्नाच्या अवघे १२ ते १४ टक्के रक्कम खर्च करत आहे. त्यामुळे, राज्यातील श्रीमंत महापालिकेच्या यादीत असलेल्या नवी मुंबई महापालिकेचा प्रशासनावरील खर्च राज्यातील इतर महापालिकांपेक्षा फार कमी आहे.

असे असताना राज्याच्या नगरविकास विभागाने सन-२०१७ मध्ये तसेच वित्त विभागाने सन-२०१० व २०१३ मध्ये काढलेल्या परिपत्रकाचा आधार घेत महापालिका प्रशासनाने अधिकारी कर्मचाऱ्यांच्या पगारावर होणारा खर्च कमी करण्यासाठी ठेकेदारी पद्धतीने बाह्ययंत्रणेद्वारा मनुष्यबळ पुरविण्यासाठी निविदा काढण्याचा निर्णय घेतला आहे. त्यासाठी प्रारूपनिविदा तयार करून महापालिकेच्या सर्व विभागप्रमुखांना पाठविण्यात आले. या निविदेतील अटी व शर्तींमध्ये काही सुधार सुचवायचा असल्यास संबंधित विभाग प्रमुखांनी त्यांच्या सूचना सोमवार, १८ नोव्हेंबरपर्यंत प्रशासन विभागाकडे पाठविण्याचे आदेश दिले आहेत.

उच्च न्यायालयात धाव घेणार

महापालिकेच्या या निर्णयामुळे १५ वर्षांपासून ठोकमानधनावर कार्यरत असलेल्या सुमारे ६०० हून अधिक कर्मचाऱ्यांच्या रोजगाराचा प्रश्न निर्माण झाला आहे. महापालिकेने ठेकेदारी पद्धतीवर कर्मचारी भरती करण्याला नवी मुंबई म्युनिसिपल मजदूर युनियनचा विरोध आहे. महापालिकेने अनेक वर्षांपासून ठोक मानधनावर काम करणाऱ्या कर्मचाऱ्यांना सर्वप्रथम महापालिकेच्या सेवेत कायम करावे, यासाठी म्युनिसिपल मजदूर युनियन उच्च न्यायालयात जाणार असल्याचे युनियनचे सरचिटणीस सुरेश ठाकूर यांनी सांगितले.

म. टा.




Leave A Reply

Your email address will not be published.