ITI Govt Jobs -ITI अनुत्तीर्णांना विद्यार्थ्यांना संधी, जाणून घ्या तपशील

ITI Government Jobs 2022

All India Vocational Session and Annual Supplementary Examination has been conducted on 25th November by the Directorate General of Training for the trainees admitted in Industrial Training Institute (ITI) in the admission session from 2014 to 2021 but failed in the examinations. For this, the trainees are requested to contact their industrial training institute by 10th Nov 2022

औद्योगिक प्रशिक्षण संस्थेमध्ये (आयटीआय) २०१४ ते २०२१ या प्रवेश सत्रात प्रवेश घेतलेल्या मात्र परीक्षांमध्ये अनुतीर्ण झालेल्या प्रशिक्षणार्थ्यांसाठी प्रशिक्षण महासंचालनालयामार्फत अखिल भारतीय व्यवसाय सत्र व वार्षिक पुरवणी परीक्षा २५ नोव्हेंबर रोजी आयोजित करण्यात आली आहे. त्यासाठी प्रशिक्षणार्थ्यांनी आपल्या औद्योगिक प्रशिक्षण संस्थेशी १० नोव्हेंबरपर्यंत संपर्क साधण्याचे आवाहन करण्यात येत आहे.

वार्षिक पुरवणी परीक्षा संगणक आधारित चाचणी (सीबीटी) पद्धतीने घेतली जाणार आहे. परीक्षेसाठी पात्र विद्यार्थ्यांची यादी राष्ट्रीय शिक्षण संशोधन आणि प्रशिक्षण परिषदेच्या वेबसाइटवर १० नोव्हेंबरपर्यंत प्रसिद्ध करण्यात येणार आहे. प्रवेशपत्र २० ते २५ नोव्हेंबर या काळात उपलब्ध होणार आहेत. अधिक माहिती https://ncvtmis.gov.in/ या संकेतस्थळावर उपलब्ध आहे.

अधिकाधिक प्रशिक्षणार्थ्यांनी वार्षिक पुरवणी परीक्षेत सहभागी व्हावे, असे आवाहन औद्योगिक प्रशिक्षण संस्थेचे प्राचार्य उपसंचालक आर. बी. भावसार यांनी केले आहे.

‘आयटीआय’साठी अखेरची संधी

राज्यभरातील खासगी व शासकीय औद्योगिक प्रशिक्षण संस्थांमध्ये (आयटीआय) प्रवेश घेतलेल्या प्रशिक्षणार्थींच्या अध्ययनास महिना उलटला आहे. मात्र, अजूनही रिक्त जागांसाठी प्रवेश प्रक्रिया सुरूच आहे. नवी दिल्ली येथील प्रशिक्षण महासंचालनालयाच्या (डीजीटी) आदेशानुसार ३० ऑक्टोबरपर्यंत अंतिम मुदतवाढ देण्यात आली आहे.

‘डीजीटी’च्या निर्देशानुसार, देशभरातील सर्व राज्यांमध्ये ‘आयटीआय’ची प्रवेश प्रक्रिया राबविली जाते. महाराष्ट्रातील सुमारे दीड लाख जागांसाठी १५ जूनपासून प्रवेश प्रक्रिया सुरू करण्यात आली होती. दहावी व बारावीच्या परीक्षेत अनुत्तीर्ण उमेदवारांसाठी राज्य परीक्षा मंडळाकडून पुरवणी परीक्षा घेण्यात आली. यात उत्तीर्ण झालेल्या उमेदवारांनाही आयटीआयमध्ये प्रवेशाची संधी मिळावी, या उद्देशाने राज्याच्या व्यवसाय शिक्षण व प्रशिक्षण संचालनालयाने (डीव्हीईटी) पुरवणी प्रवेश वेळापत्रकही जाहीर केले.

---

ITI Govt Jobs 2022: Students in ITIs will now receive state-of-the-art training from PDLite Industries. The state government has taken this step to provide up-to-date training to ITI students to make them employable. The company strives to enhance the quality of artisans by training them. Skilled manpower in the fields of carpenters, plumbers, electricians, masons and interior decorators is in great demand. Read More details regarding ITI Govt Jobs 2022 are given below.

ITI मध्ये जॉब्स शोधत आहात ? येथे पहा नवीन जॉब्स 

आयटीआयच्या विद्यार्थ्यांना मिळणार आधुनिक प्रशिक्षण

राज्यातील औद्योगिक प्रशिक्षण संस्थांमधील (ITI) विद्यार्थ्यांना आता पिडीलाईट इंडस्ट्रीजकडून आधुनिक प्रशिक्षण देण्यात येणार आहे. याबाबत राज्य शासनाचा कौशल्य विकास विभाग आणि संबंधित कंपनीदरम्यान बुधवारी सामंजस्य करार करण्यात आला.

राज्याचे कौशल्य विकास मंत्री राजेश टोपे, प्रधान सचिव मनीषा वर्मा, व्यवसाय शिक्षण व प्रशिक्षण विभागाचे संचालक दिगंबर दळवी आणि पिडीलाईट इंडस्ट्रीजचे उपाध्यक्ष डॉ. पी. के. शुक्ला यांच्या प्रमुख उपस्थितीत आज सामंजस्य करारावर स्वाक्षरी करण्यात आली.

• कौशल्य विकास मंत्री राजेश टोपे यांच्या मंत्रालयातील दालनात आज कराराबाबत सविस्तर चर्चा झाली. पिडीलाईट इंडस्ट्रीजचे अरुण उपाध्याय यांनी सविस्तर सादरीकरण करुन पिडीलाईट इंडस्ट्रीजच्या उपक्रमाबाबत माहिती दिली.
• कारपेंटर, प्लंबर, इलेक्ट्रिशियन, मैसन आणि इंटेरियर डेकोरेशन या क्षेत्रातील कुशल मनुष्यबळाची खूप मागणी आहे, असे त्यांनी सांगितले. औद्योगिक प्रशिक्षण संस्थामधील सुविधांचा दर्जा उंचावण्यासाठी प्रयत्न केले जातील, असे सांगितले.
• यावर पिडीलाईट इंडस्ट्रीजने औद्योगिक प्रशिक्षण संस्थामधील विद्यार्थ्यांना रोजगारक्षम होण्यासाठी अद्ययावत प्रशिक्षण देण्यासाठी सर्वेक्षण करावे. राज्यातील काही औद्योगिक प्रशिक्षण केंद्रामध्ये प्रायोगिक तत्त्वावर प्रशिक्षण द्यावे.
• त्यानंतर व्यापक स्वरूपात प्रशिक्षण कार्यक्रम राबविण्यात येण्यासाठी प्रयत्न करावेत, असे मंत्री श्री. टोपे यांनी सांगितले.
• राज्यातील औद्योगिक प्रशिक्षण केंद्रातील विद्यार्थी भविष्यातील मनुष्यबळ आहे. त्यांना आताच योग्य प्रशिक्षण दिल्यास भविष्यात त्यांच्याकडून चांगल्या दर्जाचे परिणाम येऊ शकतील.
• त्यामुळे औद्योगिक प्रशिक्षण संस्थांतील विद्यार्थ्यांना अधिक चांगले प्रशिक्षण देण्यासाठी औद्योगिक कंपन्यांनी पुढाकार घ्यावा, असे आवाहन मंत्री श्री. टोपे यांनी केले.
• हे सर्व प्रशिक्षण उपक्रम पिडीलाईट इंडस्ट्रीजच्या सामाजिक उत्तरदायित्व निधी उपक्रमामधून केले जाणार आहे. पिडीलाईट इंडस्ट्रीजने यापूर्वी गुजरात आणि राजस्थान सरकार सोबत सामंजस्य करार केले आहेत.
• कारागिरांना प्रशिक्षण देऊन त्यांची गुणवत्ता उंचावण्यासाठी प्रयत्न करण्याचा कंपनीचा प्रयत्न आहे, असे उपाध्यक्ष डॉ. पी. के. शुक्ला यांनी सांगितले.
• प्रधान सचिव मनीषा वर्मा यांनी महाराष्ट्र शासन आणि पिडीलाईट इंडस्ट्रीजच्या सहकार्याने राज्यातील विद्यार्थ्यांना आधुनिक प्रशिक्षण मिळेल, असे सांगितले.
• यावेळी कौशल्य विकास विभागाचे उपसचिव डॉ. नामदेव भोसले, व्यवसाय शिक्षण व प्रशिक्षण विभागाचे सहसंचालक योगेश पाटील, पिडीलाईट इंडस्ट्रीजचे संजीव सिन्हा, डॉ. प्रदीप गाडेकर, हर्षद देशपांडे, अरुण चमणकर, हिना शहा आदी उपस्थित होते.