Mega recruitment of five lakh vacancies in university

पाच लाख रिक्त जागेची विद्यापीठात मेगा भरती

University Recruitment Process : – As per the latest news published in newspapers there were 5 lakhs vacant seats will be still vacant in various universities for Professor, Assistant Professor, Teachers etc., posts. The UGC reminded the Higher and Technical Education Department of the State about five times about filling the vacancies of professors in the universities, aided colleges and government colleges in the state. Despite repeated reminders, this was ignored by the Higher and Technical Education Department. Mata also followed suit. After this, the Director of Higher and Technical Education has directed that all the universities should immediately fill the approved posts for them. Read the complete details given below:

विद्यापीठ पदभरती तातडीने करावी

राज्यातील विद्यापीठे, अनुदानित कॉलेजे व सरकारी कॉलेजांमधील प्राध्यापकांच्या रिक्त जागा भरण्यासंदर्भात विद्यापीठ अनुदान आयोगाने (युजीसी) तब्बल पाच वेळा राज्याच्या उच्च व तंत्रशिक्षण विभागाला स्मरणपत्र दिले. वारंवार स्मरणपत्र दिल्यानंतरही याकडे उच्च व तंत्रशिक्षण विभागाने दुर्लक्ष केले. तसेच ‘मटा’नेही याबाबत सातत्याने पाठपुरावा केला. यानंतर अखेर उच्च व तंत्र शिक्षण संचालकांनी सर्व विद्यापीठांना त्यांच्यासाठी मंजूर पदांची भरती तातडीने करावी, असे आदेश काढले आहेत.

केंद्रीय मुनष्यबळ विकास मंत्रालयाने २३ मे रोजी देशातील उच्च शिक्षण संस्थांमधील पाच लाख रिक्त जागा भरण्यासंदर्भात विद्यापीठ आयोगाला सूचना दिल्या होत्या. त्यानुसार ४ जून रोजी युजीसीने देशातील सर्व विद्यापीठांच्या कुलगुरूंना सहा महिन्यांचा कालबद्ध कार्यक्रम दिला होता. तसेच उच्च शिक्षणातील गुणवत्ता व दर्जा वाढीसाठी रिक्त पदे तत्काळ भरण्याचे आदेशही दिले होते. राज्यातील १२ अकृषी विद्यापीठांमध्ये प्राध्यापक, सहाय्यक प्राध्यापक, शिक्षक, शिक्षकेतर अशी ११६६, तर शासकीय कॉलेजांमध्ये ६४० पदे रिक्त आहेत. आयोगाकडून ही पदे तातडीने भरण्याच्या वारंवार सूचना दिल्यानंतरही राज्याच्या उच्च शिक्षण विभागाने त्याकडे दुर्लक्ष केले होते. ३१ जुलैच्या तिसऱ्या स्मरणपत्रानंतर राज्य शासनाने ७ ऑगस्ट रोजी शासन निर्णय जाहीर करत सर्व विद्यापीठातील ६५९ पदे भरण्यास मंजुरी दिली. मात्र यानंतर पुढे कोणतीही कार्यवाही न झाल्याने अनेक विद्यापीठांनी ही पदे भरण्यासाठी जाहिरातीही काढलेल्या नाहीत. परिणामी ही भरतीप्रक्रिया जाहीर होऊन काहीच साध्य झाले नाही. विद्यापीठ अनुदान आयोगाने अखेरची मूदत दिल्यानंतर आता संचालकांनी याबाबत तातडीने कार्यवाही करण्याचे आदेश दिले आहेत. संचालक धनराज माने यांनी आत्तापर्यंत बहिणाबाई चौधरी उत्तर महाराष्ट्र विद्यापीठ आणि संत गाडगेबाब अमरावती विद्यापीठ या दोन विद्यापीठांनीच बिंदूनामावली तपासून प्रस्ताव पाठवलेले आहेत, असे सांगितले तर इतर विद्यापीठांनीही तातडीने या संदर्भात कार्यवाही करावी, असे आदेश देण्यात आल्याचेही म्हणाले.

प्राध्यापक भरतीसाठी बिंदूनामावली करणे गरजेचे असते, असे असतानाही अद्यापही बहुतांश विद्यापीठांनी बिंदूनामावली प्रमाणित केली नाही. त्यामुळे ही बाब आम्ही राज्यपालांच्या निदर्शनास आणून देणार आहोत. राज्यापालांनी यामध्ये तातडीने लक्ष देऊन विद्यापीठातील पदभरती लवकरात लवकर करावी, अशी विनंती करणार आहोत.

सौर्स : म. टा.