परीक्षा मूल्यमापन व मंडळाचे संचालक डॉ.महेश काकडे यांनी याबाबत परिपत्रक काढून सूचना दिल्या आहेत. यामध्ये परीक्षा पद्धतीबाबत इतर सूचना यापूर्वीच्या परिपत्रकाप्रमाणे ठेवण्यात आल्या आहेत. अंतिम वर्षाच्या परीक्षेसाठी नियमित, पुनःपरीक्षार्थी , बॅकलॉग विषयांच्या परीक्षा १३ मार्च २०२० पर्यत पूर्ण झालेल्या अभ्यासक्रमावर घेण्यात याव्यात; तसेच अंतिम पूर्व वर्षाच्या पुनःपरीक्षार्थी विद्यार्थ्यांच्या परीक्षा संपूर्ण अभ्यासक्रमावर घेण्याच्या सूचना डॉ. काकडे यांनी केल्या आहेत. त्याचप्रमाणे ऑनलाइन परीक्षेची माहिती विद्यार्थ्यांना होण्यासाठी सराव परीक्षांचे आयोजन करण्यात येईल. ऑनलाइन व ऑफलाइन या दोन्ही पद्धतीने होणाऱ्या एमसीक्यू बेस्ड परीक्षांसाठी छायांकित प्रत व पुनर्मुल्यांकनाची सुविधा उपलब्ध राहणार नाही, असेही डॉ. काकडे यांनी सांगितले.

विद्यापीठांच्या अंतिम वर्षाच्या परीक्षांच्या नियोजनापूर्वी विद्यार्थ्यांना येणाऱ्या अडचणी व शंकांचे निरसन करण्यासाठी महाविद्यालयामध्ये हेल्पडेस्क तयार करावा. यासोबतच प्रत्यक्ष परीक्षेदरम्यान येणाऱ्या अडचणींचे निवारण करण्यासाठी अभ्यासक्रमनिहाय समन्वयकांची नियुक्ती करण्यात यावी; तसेच याबाबतचा स्वतंत्र तपशील महाविद्यालयाच्या वेबसाइटवर जाहीर करण्याची सूचना डॉ. महेश काकडे यांनी केली आहे.

पुणे विद्यापीठ परीक्षा: हॉलतिकीट उपलब्ध; मॉक टेस्टही होणारपुणे विद्यापीठाच्या संकेतस्थळावर जाण्यासाठी येथे क्लिक करा.