Nagpur Arogya Vibhag- आरोग्य विभागात विशेषज्ज्ञ डॉक्टरांची विविध पदे रिक्त

Nagpur Arogya Vibhag Bharti 2021

Nagpur Public Health Department has 52% vacancies for specialist doctors.A total of 260 posts of specialist doctors have been sanctioned in six districts of East Vidarbha namely Nagpur, Bhandara, Gadchiroli, Wardha, Gondia and Chandrapur. Out of which 136 posts are vacant.

आरोग्य विभागात विशेषज्ज्ञ डॉक्टरांची विविध पदे रिक्त

नागपूर : करोनाच्या कठीण काळात पूर्व विदर्भात सार्वजनिक आरोग्य विभागाच्या डॉक्टरांनीही पूर्ण क्षमतेने आरोग्य सेवा दिली. त्यात बऱ्याच डॉक्टरांना करोना होऊन काहींची प्रकृती गंभीरही झाली. येथे करोनाच्या उद्रेकामुळे डॉक्टरांचा अभाव जाणवला. हा ताजा अनुभव असतानाही नागपूर विभागात आजही विशेषज्ञ डॉक्टरांची तब्बल ५२ टक्के पदे रिक्त असल्याचे पुढे आले आहे.

पूर्व विदर्भातील नागपूर, भंडारा, गडचिरोली, वर्धा, गोंदिया, चंद्रपूर या सहा जिल्ह्य़ांत विशेषज्ज्ञ डॉक्टरांची एकूण २६० पदे मंजूर आहेत. त्यातील तब्बल १३६ पदे रिक्त असून केवळ १२४ डॉक्टरांच्या बळावर  सेवा देण्याचा प्रयत्न केला जात आहे. त्यातच विदर्भातील सर्वात मागासलेला जिल्हा असलेल्या गडचिरोलीत विशेषज्ज्ञांची ४१ पदे मंजूर आहेत. त्यातील २१ पदे भरली असून ४९ टक्के म्हणजेच २० पदे रिक्त आहेत. गोंदियात विशेषज्ज्ञांची ४० पदे मंजूर असून केवळ १० भरलेली आहेत.  ७५ टक्के म्हणजे तब्बल ३० पदे रिक्त असल्याने या स्थितीत गंभीर रुग्णांना चांगल्या वैद्यकीय सेवा मिळणार कशा, हा प्रश्न अनुत्तरित आहे. नागपुरात ६४ पदे मंजूर आहेत. त्यातील ४१ भरलेली असून २३ म्हणजे ३६ टक्के पदे रिक्त आहेत. भंडारा जिल्ह्य़ात ३७ पदे मंजूर असून त्यातील १९ भरलेली  तर ४९ टक्के म्हणजे १८ पदे रिक्त आहेत. वर्धा जिल्ह्य़ात ३४ पदे मंजूर असून त्यातील १७ भरलेली तर १७ म्हणजे तब्बल ५० टक्के पदे रिक्त आहेत. चंद्रपूर जिल्ह्य़ात ४४ पदे मंजूर आहेत. त्यातील १६ भरलेली असून २८ म्हणजेच तब्बल ६४ टक्के पदे रिक्त आहेत.

मेडिकल, मेयो, सुपरस्पेशालिटीतही पदे रिक्तच

मध्य भारतातील गरीब व मध्यमवर्गीय नागरिकांच्या आरोग्याचे प्रमुख केंद्र असलेल्या  मेडिकल रुग्णालयात वर्ग एकच्या तज्ज्ञ डॉक्टरांची दीडशेच्या जवळपास पदे मंजूर असून त्यातील २५ टक्के पदे रिक्त आहेत. सुपरस्पेशालिटी रुग्णालयात २४ पदे मंजूर असून त्यातील ३० टक्के तर मेयो रुग्णालयात वर्ग एकच्या तज्ज्ञांची ५० पदे मंजूर असून त्यातील २० टक्के पदे रिक्त आहेत. या टर्शरी केअर दर्जाच्या रुग्णालयांपैकी मेडिकल, मेयो रुग्णालयात गंभीर  करोनाग्रस्तांवर उपचार केले जातात. या स्थितीतही येथे मोठय़ा संख्येने रिक्त पदे असल्याने आश्चर्य व्यक्त होत आहे. सोबतच वैद्यकीय शिक्षण खात्याकडून येथे पदे भरली जाणार असल्याचा दावा केला जात आहे.

Leave A Reply

Your email address will not be published.

व्हाट्सअँप ग्रुप जॉईन करा!