अकरावी प्रवेश प्रक्रिया रखडली! विद्यार्थी शिक्षणापासून वंचित;

11th Admission Pune, Mumbai, Nagpur, Amravati, Nashik, Aurangabad

 मुंबई : विद्यार्थ्यांचे शैक्षणिक नुकसान टाळण्यासाठी सरकारने लॉकडाऊनच्या कालावधीत ऑनलाईन शिक्षणावर भर दिला; परंतु दहावीची परीक्षा उत्तीर्ण होऊन अकरावीत गेलेले विद्यार्थी गेल्या सात महिन्यांपासून शिक्षणापासून वंचित आहेत. अकरावीचे पहिले सत्र संपले तरी यंदा प्रवेश प्रक्रियाच सुरू न झाल्याने शिक्षक, विद्यार्थी, पालक संभ्रमात आहेत.

 लॉकडाऊनमुळे दहावीचा निकाल यंदा उशिरा जाहीर झाल्याने प्रवेश प्रक्रियाही उशिरा सुरू झाली. अकरावी ऑनलाईन प्रवेशाच्या पहिल्या गुणवत्ता यादीचे प्रवेश पूर्ण झाल्यावर मराठा आरक्षणाला सर्वोच्च न्यायालयाने स्थगिती दिल्याने या प्रवेशप्रक्रियेलाही “थांबा’ लागला. अकरावीच्या विद्यार्थ्यांना शिक्षण देण्याबाबत कोणताही विचार शिक्षण विभागाने केलेला नाही. त्यामुळे पहिलीच्या वर्गातील विद्यार्थी ऑनलाईन शिक्षण घेत असताना मात्र अकरावीचे विद्यार्थी प्रवेशाच्या प्रतीक्षेत आहेत. प्रवेश घेतल्यानंतर विद्यार्थ्यांना अकरावीच्या परीक्षेला सामोरे जावे लागणार आहे. या परीक्षेनंतर पुन्हा बारावीच्या वर्षाला सामोरे जावे लागणार असल्याने विद्यार्थी, पालक चिंतेत आहेत. मराठा आरक्षणामुळे रखडलेली अकरावी ऑनलाईन प्रवेशाची प्रक्रिया कधी सुरू होणार? असा प्रश्‍न विद्यार्थी, पालकांसह प्राध्यापक व प्राचार्यांकडून विचारला जात आहे.

 केवळ 78,610 विद्यार्थ्यांचा प्रवेश 
अकरावीच्या ऑनलाईन प्रवेशप्रक्रियेद्वारे एसईबीसी आरक्षणानुसार राज्यभर केवळ 4,199 विद्यार्थ्यांचेच प्रवेश झाले आहेत; तर आतापर्यंत 78,610 विद्यार्थ्यांनीच अकरावीच्या पहिल्या गुणवत्ता यादीनुसार प्रवेश घेतला असून, अद्याप हजारो विद्यार्थी प्रवेशाच्या प्रतीक्षेत आहेत. शिक्षक संघटनांनी याविषयी शिक्षण विभागाकडे पाठपुरावा केल्यानंतरही ठोस निर्णय घेण्यात येत नसल्याने संघटनांकडून शिक्षण विभागाबद्दल नाराजी व्यक्त होत आहे.

 दहावीची मार्च महिन्यात परीक्षा दिल्यानंतर विद्यार्थी अभ्यासापासून लांब आहेत. या विद्यार्थ्यांना शिक्षण देण्यासाठी शिक्षण विभागाने कोणतेही नियोजन केलेले नाही. अकरावीत प्रवेश झाला नसल्याने विद्यार्थी तणावात आहेत. त्यामुळे शिक्षण विभागाने युद्धपातळीवर विद्यार्थ्यांना शिक्षण देण्यासाठी नियोजन करावे

– सोर्स:सकाळ


अकरावी प्रवेश प्रक्रिया रखडणार, दुसरी गुणवत्ता यादी लांबणीवर

सर्वोच्च न्यायलयाने मराठा आरक्षणाबाबत दिलेल्या आदेशामुळे अकरावी ऑनलाईन प्रवेश प्रक्रिया शिक्षण विभागाने पुढे ढकलली आहे. यामुळे गुरुवारी सकाळी 10 वाजता जाहीर होणारी दुसरी गुणवत्ता यादी जाहीर होणार नाही. सरकारचे आदेश आल्यानंतर प्रवेश प्रक्रियेचे वेळापत्रक जाहीर करण्यात येणार आहे.

 सर्वोच्च न्यायालयाने मराठा आरक्षणाबाबत अंतिम निर्णय येईपर्यंत लागू करण्यात आलेले सर्व लाभ रद्द करण्याचे अंतरिम आदेश दिला आहे. इयत्ता अकरावीची पहिली गुणवत्ता यादी 30 ऑगस्टला जाहीर झाली. यानंतर आज सकाळी 10 वाजता दुसरी गुणवत्ता यादी जाहीर होणार होती. यासाठी मुंबई विभागातून एक लाख 49 हजार 12 विद्यार्थ्यांनी अर्ज केले आहेत. यातच न्यायालयाच्या निर्णयामुळे ही प्रक्रिया रखडली आहे. त्यामुळे अकरावीत प्रवेश न मिळालेल्या विद्यार्थांना प्रवेशासाठी प्रतीक्षा करावी लागणार आहे. सर्वोच्च ;न्यायालयाच्या निर्णयाच्या अनुषंगाने यापुढील इयत्ता अकरावी प्रवेश प्रक्रियेची सदर कार्यवाही पुढे ढकलण्यात येत आहे असे शिक्षण विभागाने स्पष्ट केले आहे.

 अकरावी प्रवेश प्रक्रियेचे सुधारीत वेळापत्रक शासन आदेश प्राप्त झाल्यानंतर जाहीर करण्यात येईल असेही त्यांनी स्पष्ट केले आहे. राज्यात अकरावी प्रवेशसाठी 12 टक्के मराठा आरक्षण लागू करण्यात आले आहे. यानुसार मुंबई विभागात पहिल्या फेरीसाठी 17844 जागा उपलब्ध होत्या. या जागांवर 2923 अर्ज आलेत त्यापैकी 2788 विद्यार्थी प्रवेशास पात्र ठरले होते.


अकरावी ऑनलाइन प्रवेशांचे दुसऱ्या फेरीचे वेळापत्रक जाहीर करण्यात आले आहे.

FYJC Online Admission 2020: अकरावी ऑनलाइन प्रवेश प्रक्रियेतील पहिली गुणवत्ता यादी रविवारी ३० ऑगस्ट २०२० रोजी जाहीर झाली. मात्र करोना स्थितीमुळे या यादीत अलॉट झालेल्या महाविद्यालयांमध्ये प्रवेश निश्चित करण्यास विलंब होत आहे. परिणामी प्रवेश निश्चितीसाठी मुदतवाढ देण्यात आली आहे. आता विद्यार्थ्यांना नियमित फेरी १ मधील प्रवेश निश्चित करण्यासाठी ४ सप्टेंबर २०२० रोजी सायंकाळी ५ वाजेपर्यंतचा वेळ देण्यात आला आहे. याशिवाय नियमित फेरी – २ चे वेळापत्रकही शिक्षण विभागाने जाहीर केले आहे.

विद्यार्थ्यांसाठी काही सूचनाही शिक्षण संचालकांनी दिल्या आहेत –

– विद्यार्थ्यांला प्रवेशासाठी मिळालेल्या महाविद्यालयात त्याला प्रवेश घ्यायचा असेल तर त्याने आपल्या लॉगइनमध्ये Proceed for Admission क्लिक करणे आवश्यक आहे. त्यानंतर संबंधित महाविद्यालयाशी संपर्क साधून आपला प्रवेश निश्चित करून घ्यावा आणि Admission Letter चं प्रिंट काढून ठेवावे. केवळ प्रोसिड केले म्हणजे प्रवेश झाला असे होत नाही, हे लक्षात घ्यावे.

– शिवाय विद्यार्थ्यांनी चुकून ‘प्रोसिड फॉर अॅडमिशन’ पर्यायावर क्लिक केलं असेल तर त्यासाठी ‘Undo Proceed’ करण्याची सुविधा विद्यार्थ्यांनी लॉगीन मध्ये देण्यात आलेली आहे.

– ज्या विद्यार्थ्यांना अकरावी ऑनलाइन प्रवेश प्रक्रियेतून बाहेर जायचे असेल किंवा त्यांना अन्य अभ्यासक्रमांना प्रवेश घ्यायचा असेल तर आपला अर्ज मागे घेण्याच्या सुविधेचा वापर करावा. Withdrawal of Application केल्यानंतर त्या विद्यार्थ्याचा अर्ज सिस्टिममधून रद्द होईल.

– जर विद्यार्थ्यानू चुकून Withdrawal of Application चे बटण क्लिक केले असेल तर असे अर्ज पुन्हा UnWithdrawn करण्याची सुविधा शिक्षण उपसंचालक लॉगीनमध्ये देण्यात आलेले आहे.

नियमित फेरी – २ चे वेळापत्रक

१) ४ सप्टेंबर २०२० – (रात्री १० वाजता) नियमित प्रवेश फेरी २ साठी रिक्त पदे दर्शवणे
२) ५ सप्टेंबर २०२० ते ७ सप्टेंबर २०२० – नियमित फेरी – २ साठी विद्यार्थ्यांनी पसंतीक्रम (भाग -२) भरणे सुरू
३) ८ सप्टेंबर २०२० ते ९ सप्टेंबर २०२० – डेटा प्रोसेसिंगसाठी राखीव वेळ
४) १० सप्टेंबर २०२० रोजी १० वाजता – नियमित प्रवेश फेरी – २ ची गुणवत्ता यादी जाहीर करणे
५) १० सप्टेंबर २०२० सकाळी ११ ते १२ सप्टेंबर २०२० सायंकाळी ५ वाजेपर्यंत – दुसऱ्या यादीतील प्रवेश निश्चित करणे
६) १२ सप्टेंबर २०२० रात्री १० वाजता – प्रवेशाची नियमित फेरी – ३ साठी रिक्त जागांचा तपशील जाहीर करणेसविस्तर वेळापत्रक पुढीलप्रमाणे –अकरावी ऑनलाइन प्रवेशाच्या दुसऱ्या फेरीचे वेळापत्रकदरम्यान, पहिल्या यादीत कला शाखेतील १२ हजार ५०२, वाणिज्य शाखेतील ६६ हजार १४० आणि विज्ञान शाखेतील ३७ हजार ९७६ आणि एमसीव्हीसीच्या ९०२ विद्यार्थ्यांना प्रवेश देण्यात आला आहे.

शाखानिहाय मिळालेले प्रवेश

शाखा — एकूण जागा — मिळालेले प्रवेश

विज्ञान — ६६,७९१ –३७,९७६

वाणिज्य — १,०५,१६० — ६६,१४०

एमसीव्हीसी –३,८९३ –९०२

अकरावी ऑनलाइन प्रवेशांच्या संकेतस्थळावर जाण्यासाठी येथे क्लिक करा.


११ वीची पहिली मेरिट लिस्‍ट जाहीर

नाशिक :इयत्ता दहावीचा निकाल उंचावल्‍याने अकरावीच्‍या मिरीट लिस्‍ट (गुणवत्ता यादी) मध्येदेखील यंदा कट-ऑफ वाढला आहे. महापालिका हद्दीतील महाविद्यालयांत ऑनलाइन केंद्रिभूत प्रवेश प्रक्रियेंतर्गत रविवारी (ता.३०) पहिली मिरीट लिस्‍ट प्रसिद्ध केली आहे.

या विद्यार्थ्यांना प्रवेश घेणे बंधनकारक

 पहिल्‍या फेरीसाठी शहरातील कनिष्ठ महाविद्यालयांतील सर्व शाखा मिळून २० हजार ६१६ जागा उपलब्‍ध होत्‍या. या जागांकरीता १२ हजार १३१ उमेदवारांची निवड त्‍यांनी नोंदविलेल्‍या पर्यायांनुसार केलेली आहे. विद्यार्थ्यांनी अर्जाच्‍या भाग दोनमध्ये शाखा व महाविद्यालय पसंतीचे दहा पर्याय नोंदविलेले होते. विद्यार्थ्यांना मिळालेले गुण व महाविद्यालयांतील कट-ऑफ यांच्‍या आधारावर महाविद्यालयाचे पर्याय उपलब्‍ध करून दिले आहे. पहिल्‍या प्राधान्‍य क्रमाचे महाविद्यालय मिळालेल्‍या विद्यार्थ्यांना प्रवेश घेणे बंधनकारक असून, अन्‍यथा पुढील प्रक्रियेत अशा विद्यार्थ्यांना सहभागी होता येणार नाही. तसेच प्रवेश रद्द करणार्या विद्यार्थ्यांनादेखील पुढील फेर्यांच्‍या प्रक्रियेत सहभागी होता येणार नसल्‍याचे शिक्षण विभागाने स्‍पष्ट केले आहे.

 असे आहेत कटऑफ 

 यापूर्वी सामान्‍यतः कॉलेजरोडवरील आरवायके महाविद्यालयाचा कट-ऑफ सर्वात अधिक राहायचा. यंदा मात्र हा विक्रम मोडला असून उन्नती महाविद्यालय आणि मातोश्री महाविद्यालयाचा विज्ञान शाखेचा कट-ऑफ ९५.४ टक्‍के राहिला. आरवायके महाविद्यालयात खुल्या प्रवर्गाचा कट-ऑफ ९५.२ टक्‍के आहे. तर वाणिज्‍य शाखेत बीवायके महाविद्यालयाचा कट-ऑफ ९३.८ टक्‍के, मो. स. गोसावी महाविद्यालय ९१.६ टक्‍के, केटीएचएम महाविद्यालय ९०.८ टक्‍के कट-ऑफ राहिला. कला शाखेत एचपीटी महाविद्यालय ८९.४ टक्‍के, एमएमआरके महिला महाविद्यालय ८४.४ तर केटीएचएम महाविद्यालय ८०.४ टक्‍के

 शाखानिहाय झालेल्‍या निवडीचा तपशील असा 

 शाखा उपलब्‍ध जागा निवड विद्यार्थी संख्या
विज्ञान १०,३२० ५५०४
वाणिज्‍य ८६८० ४२५८
कला ४९१० २१८६
एमएसव्‍हीसी १०४३ १८३
एकूण २५०७० १२१३१

प्राधान्‍यक्रम निहाय निवड झालेले विद्यार्थी 

प्रथम प्राधान्‍य—————-७ हजार ३८८
द्वितीय प्राधान्‍य—————१ हजार ६९८
तिसरा प्राधान्‍य—————१ हजार ०६९
चौथा प्राधान्‍य—————७०१
पाचवा प्राधान्‍य————–४७१


11th Admission Pune, Mumbai, Nagpur, Amravati, Nashik, Aurangabad

  अकोला :  महानगरातील विद्यार्थ्यांना विज्ञान शाखेत सहजरित्या प्रवेश घेता यावा यासाठी शिक्षण विभागाच्या वतीने अकरावी विज्ञान शाखेची ऑनलाईन प्रवेश प्रक्रिया राबविण्यात येत आहे.

 त्याअंतर्गत ऑनलाईन अर्ज करण्याच्या शेवटच्या दिवसापर्यंत ३ हजार ७२५ विद्यार्थ्यांनी प्रवेशासाठी नोंदणी केली. दरम्यान मंगळवारी (ता. २५) प्रवेश प्रक्रियेतील नियमित पहिल्या फेरीसाठीची विद्यार्थ्यांची गुणवत्ता यादी जाहीर केली जाणार आहे. त्यानंतर विद्यार्थी ३१ ऑगस्टपर्यंत निवड झालेल्या कॉलेजमध्ये प्रवेश घेवू शकतील.

 दहावी बोर्ड परीक्षेचा निकाल २९ जुलै रोजी जाहीर झाला. त्यानंतर अकरावीच्या प्रवेश प्रक्रियेस वेग आला. त्याअंतर्गत विज्ञान शाखेच्या विद्यार्थ्यांना अकरावीत प्रवेश मिळावा यासाठी ११ ऑगस्टपपासून शिक्षण विभागाकडून ऑनलाईन प्रवेश प्रक्रिया सुरू केली आहे.

 प्रवेशासाठी विद्यार्थ्यांनी २० ऑगस्टपर्यंत ३ हजार ७२५ विद्यार्थ्यांनी ऑनलाईन पद्धतीने अर्ज केले. सदर अर्जांतील त्रृतींची पूर्तता केल्यानंतर मंगळवारी (ता. २५) केंद्रीय प्रवेश समिती विद्यार्थ्यांची गुणवत्ता यादी जाहीर करेल. केंद्रीय प्रवेश समिती सकाळी १० वाजता विद्यार्थ्यांची गुणवत्ता यादी कॉजेलला देईल, त्यानंतर सायंकाळी यादी ‘सीएओअकोला.इन’ संकेतस्थळावर प्रसिद्ध करण्यात येईल.

 गुणवत्ता यादीत नाव असलेले विद्यार्थी ३१ ऑगस्टपर्यंत संबंधित कॉलेजमध्ये प्रवेश घेवू शकतील. त्यानंतर विद्यार्थ्यांची दुसरी गुणवत्ता यादी जाहीर करण्यात येईल, अशी माहिती केंद्रीय प्रवेश समितीच्या वतीने शिक्षणाधिकारी प्रकाश मुकुंद व सचिव गजानन चौधरी यांनी दिली आहे.

सोर्स:सकाळ


 अकरावी प्रवेशाची प्रोव्हिजनल गुणवत्तायादी जाहीर

 नाशिक : नाशिक महापालिका हद्दीतील कनिष्ठ महाविद्यालयांमध्ये इयत्ता अकरावी प्रवेशासाठी केंद्रीभूत ऑनलाइन पद्धतीने प्रवेशप्रक्रिया राबविली जात असून, या अंतर्गत रविवारी (ता. २३) तात्‍पुरती गुणवत्तायादी (प्रोव्हिजनल मेरिट लिस्‍ट) जाहीर केली आहे. विद्यार्थ्यांना त्‍यांच्‍या लॉगइन आयडीद्वारे ही यादी पाहता येणार आहे.

 गुणवत्तायादी विद्यार्थ्यांच्‍या लॉगइनद्वारे जाहीर 

 आतापर्यंत ३१ हजार ४० विद्यार्थ्यांनी प्रवेशासाठी नोंदणी केली असून, २२ हजार २४९ उमेदवारांनी पर्यायांची निवड केली आहे. अशा विद्यार्थ्यांची पहिली निवड यादी पुढील रविवारी (ता. ३०) प्रसिद्ध केली जाणार आहे. कोरोनामुळे अकरावी प्रवेशाच्‍या प्रक्रियेस विलंब झाला आहे. दहावी उत्तीर्ण विद्यार्थ्यांना नोंदणी करून अर्जाचा भाग एक भरून पडताळणी करणे, तसेच महाविद्यालय व शाखा निवडीसाठी अर्जाचा भाग दोन भरण्याची प्रक्रिया पूर्ण करायची आहे. आतापर्यंत ३१ हजार ४० विद्यार्थ्यांनी नोंदणी केली आहे. तर २५ हजार ४७५ विद्यार्थ्यांच्‍या अर्जाच्‍या भाग एकची पडताळणी प्रक्रिया पूर्ण झाली आहे. यापैकी २२ हजार २४९ विद्यार्थ्यांनी अर्जाचा भाग दोन भरला आहे. तात्‍पुरती गुणवत्तायादी विद्यार्थ्यांच्‍या लॉगइनद्वारे जाहीर केली आहे.

 या संदर्भातील हरकती नोंदविण्यासाठी विद्यार्थ्यांना मुदत दिली आहे. कोटा प्रवेशांतर्गत ओटीपीची समस्‍या उद्‍भवलेल्‍या विद्यार्थ्यांना ही प्रक्रिया पूर्ण करण्यासाठी मंगळवार (ता. २५)पर्यंत मुदत आहे. अर्जाचा भाग दोन भरलेल्‍या विद्यार्थ्यांचा विचार पहिल्‍या मेरिट लिस्‍टसाठी केला जाणार असल्‍याचे शिक्षण विभागाने स्‍पष्ट केले आहे.

सोर्स: सकाळ


11th Admission Second Phase schedule or timetable is declared now. The updates & details about it are given below. Also follow the schedule carefully. 

अकरावी ऑनलाइन: पहिल्या मेरिट लिस्टपर्यंतचे वेळापत्रक जाहीर

अकरावी ऑनलाइन प्रवेशातील ‘भाग-२’ कधी भरायचा ते आता स्पष्ट झाले आहे….

अकरावी ऑनलाइन प्रवेशाचे पहिल्या गुणवत्ता यादीपर्यंतचे वेळापत्रक शिक्षण संचालनालयाने अखेर सोमवारी जाहीर केले. या वेळापत्रकानुसार १२ ऑगस्टपासून अल्पसंख्याक, इनहाऊस आणि व्यवस्थापन कोट्यातील प्रवेश प्रक्रिया सुरू होणार आहे. तर पहिली गुणवत्ता यादी ३० ऑगस्ट रोजी प्रसिद्ध होणार आहे.
राज्यातील मुंबई, पुणे, नागपूर, नाशिक, अमरावती, औरंगाबाद या सहा विभागांसाठी सुरू असलेल्या अकरावी प्रवेशप्रक्रियेला २४ जुलैपासून सुरुवात झाली. नोंदणीनंतर १ ऑगस्टपासून अर्जातील ‘भाग-१’ भरण्याची प्रक्रिया सुरू आहे. अर्जातील महत्त्वाचा टप्पा असलेला ‘भाग-२’ कधी, असा प्रश्न विद्यार्थी, पालकांना पडला होता. त्याची प्रक्रिया शिक्षण विभागाने सोमवारी जाहीर केली. नोंदणी केलेल्या आणि अर्ज प्रमाणित झालेल्या विद्यार्थ्यांना आता भाग-२ मध्ये विद्यार्थ्यांना प्रामुख्याने आवडीच्या कॉलेजांचे प्राधान्यक्रम (गुणवत्तेनुसार) भरायचे आहेत. या अर्ज भरण्याच्या प्रक्रिया, तसेच प्रवेशप्रक्रियेचे हे वेळापत्रक आहे. पहिल्या फेरीचे हे वेळापत्रक शिक्षण संचालनालयाने वेबसाइटवर जाहीर केले. पुढील नियमित दोन प्रवेशफेऱ्या, तसेच विशेष फेऱ्याचे वेळापत्रक नंतर जाहीर करण्यात येणार असल्याचे शिक्षण संचालकांनी स्पष्ट केले आहे.

प्रवेशाचा दुसरा टप्पा असा असेल

पहिला टप्पा – पसंतीक्रम आणि कोटा प्रवेशासाठी शून्य फेरी (१२ ते २२ ऑगस्ट)

– नियमित फेरी एकसाठी विद्यार्थ्यांना पसंतीक्रम नोंदविणे सुरू

– नवीन विद्यार्थी प्रवेशाचा पहिला आणि दुसरा भाग भरू शकतात

– विद्यार्थ्यांचे अर्ज पडताळणी मार्गदर्शन केंद्र व माध्यमिक शाळांमध्ये सुरू राहील

– कोटाअंतर्गत प्रवेश करणे – व्यवस्थापन, इनहाऊस, व अल्पसंख्याक कोटा (शून्य फेरी)

– व्यवस्थापन, तसेच इनहाऊस कोटा प्रवेशाच्या रिक्त जागा प्रत्यार्पित करणे

– नियमित फेरी एकसाठी प्रवेश अर्ज भाग दोन भरणे बंद होईल

राज्यातील सीईटी रद्द होणार नाही; विद्यार्थ्यांना मोठा दिलासादुसरा टप्पा – नियमित प्रवेश फेरी एक (२३ ते २५ ऑगस्ट)

– तात्पुरती, संभाव्य सर्वसाधारण गुणवत्ता यादी जाहीर करणे

– तात्पुरत्या गुणवत्ता यादीवर आक्षेप, हरकती ऑनलाइन नोंदविणे

– ऑनलाइन प्राप्त झालेल्या आक्षेप, सूचनांचे संकलन करून सर्वसाधारण गुणवत्ता यादी अंतीम करणे

तिसरा टप्पा – नियमित प्रवेश फेरी एकसाठी गुणवत्ता यादी जाहीर करणे (३० ऑगस्ट)

– विद्यार्थ्यांना प्रवेशासाठी मिळालेले कॉलेज दर्शविणे

– कॉलेजांना प्रवेश झालेल्या विद्यार्थ्यांची यादी कॉलेज लॉगीनमध्ये दर्शविणे

– विद्यार्थ्यांना प्रवेशाबाबत मोबाइल संदेश पाठविणे

– पहिल्या नियमित फेरीचे कटऑफ वेबसाइटवर दर्शविणे

चौथा टप्पा – पहिली फेरी अकरावी प्रवेश निश्‍चिती (३१ ऑगस्ट ते ३ सप्टेंबर)

– विद्यार्थ्याने शाळेमध्ये ऑनलाइन प्रवेश निश्‍चित करणे

– प्रवेश घ्यायचा नसल्यास प्रोसिड फॉर अ‍ॅडमिशन करू नये, घेतलेला प्रवेश रद्द करणे

– व्यवस्थापन व अल्पसंख्याक कोटा प्रवेश सुरू राहतील

– व्यवस्थापन कोटाअंतर्गत रिक्त जागा प्रत्यार्पित करणे


11th Admission Pune, Mumbai, Nagpur, Amravati, Nashik, Aurangabad

The 11th admission schedule for Mumbai, Pune, Nagpur, Nashik, Amravati and Aurangabad divisions of the state is likely to be announced today, Monday. Sources said that students who have registered and completed the first part can fill Part 2.

अकरावी प्रवेशाचे वेळापत्रक आज, सोमवारी जाहीर होण्याची शक्यता आहे.

राज्यातील मुंबई, पुणे, नागपूर, नाशिक, अमरावती, औरंगाबाद या सहा विभागांसाठी सुरू असलेल्या अकरावी प्रवेशाचे वेळापत्रक आज, सोमवारी जाहीर होण्याची शक्यता आहे. ज्या विद्यार्थ्यांनी नोंदणी करून पहिला भाग पूर्ण केला आहे अशा विद्यार्थ्यांना पार्ट २ भरता येईल असे सूत्रांनी सांगितले.

मुंबई एमएमआर विभाग तसेच, पुणे व पिंपरी चिंचवड, नाशिक, अमरावती, औरंगाबाद, नागपूर महापालिकेच्या कार्यक्षेत्रात अकरावीचे ऑनलाइन प्रवेशाचे अर्ज भरले जात आहेत. राज्यभरात रविवारी सांयकाळपर्यंत या भागातून ४ लाख ३१ हजार ४९९ विद्यार्थ्यांनी नोंदणी पूर्ण केली आहे. या विद्यार्थ्यांनी अकरावी प्रवेश प्रक्रियेतील अर्जाचा भाग एक भरून नोंदणी केली आहे. यामध्ये मुंबई एमएमआर विभागात २ लाख १९ हजार ५०३ विद्यार्थ्यांनी नोंदणी केली आहे. औरंगाबाद १८ हजार ४५५, अमरावती ११ हजार ७७८, नागपूर ३५ हजार १४९ आणि नाशिक २८ हजार ११३ आणि पुणे विभागात ९० हजार ४९६ विद्यार्थ्यांनी अर्ज भरले आहेत. यापैकी या विभागांतील एकूण १ लाख ६ हजार विद्यार्थ्यांनी आपला अर्ज प्रमाणित केला आहे. आता या विद्यार्थ्यांना भाग दोन भरायचा आहे. या संदर्भातील वेळापत्रक आज जाहीर होण्याची शक्यता आहे.


Students will be able to fill part 1 of the admission form for the 11th admission from today. 1 lakh 78 thousand 262 students have registered from the Mumbai division till 8 pm on Friday. In this, students have to fill in their information and lock the admission form. In addition, students will be able to check and verify the information filled in the application. Students will be able to enlist the help of parents or teachers to fill out the application. So now the first phase of the eleventh admission is going to start from today.

कसा भरायचा अकरावी ऑनलाइन अर्ज भाग – १?

११ वी प्रवेश पहिला टप्पा आजपासून सुरु..

अकरावी प्रवेशासाठी प्रवेश अर्जाचा भाग १ आजपासून विद्यार्थ्यांना भरता येणार आहे. शुक्रवारी रात्री ८ पर्यंत १ लाख ७८ हजार २६२ विद्यार्थ्यांनी मुंबई विभागातून नोंदणी केली आहे. यामध्ये विद्यार्थ्यांनी आपली माहिती भरून प्रवेश अर्ज लॉक करायचा आहे. शिवाय अर्जात भरलेली माहिती ही विद्यार्थ्यांना तपासून, प्रमाणित करून घेता येणार आहे. अर्ज भरण्यासाठी विद्यार्थी पालकांची किंवा शिक्षकांची मदत घेऊ शकणार आहेत. त्यामुळे आता अकरावी प्रवेशाचा पहिला टप्पा आजपासून सुरु होणार आहे.

अकरावी विज्ञान शाखेचे प्रवेश ऑनलाईन मोबाईलव्दारे प्रवेश अर्ज भरण्याची…

शिक्षण संचालनालयाकडून अर्जाचा पहिला भाग १ आॅगस्टपासून भरता येणार असल्याची माहिती नोंदणी सुरू करण्याच्या वेळेसच देण्यात आली. मात्र विभागीय उपसंचालक कार्यालयांकडून अद्याप याबाबत कोणतीच माहिती मिळाली नाही.

विद्यापीठाची प्रथम वर्षांची प्रवेश प्रक्रिया सुरू; येथे पहा संपूर्ण…

काय आहे मोबाइल अ‍ॅप?
विद्यार्थ्यांना अर्ज करणे सुलभ व्हावे या उद्देशाने अ‍ॅप सुरू करण्यात येणार आहे. विद्यार्थ्यांना अर्ज भरण्यापासून सुविधा एका क्लिकवर उपलब्ध करून देण्यात येणार आहेत. यावर १ आॅगस्टपासून विद्यार्थ्यांना नोंदणी करता येणार आहे. राज्य शिक्षण मंडळाच्या विद्यार्थ्यांना दहावी परीक्षेचा आसन क्रमांक टाकायचा आहे.राज्य माध्यमिक मंडळाकडे असलेला सर्व तपशील येईल. यामुळे विद्यार्थ्यांचा वेळ मोठ्या प्रमाणात वाचणार आहे.

11th Admission Pune, Mumbai, Nagpur, Amravati, Nashik, Aurangabad is now started from 1st July 2020. The Timetable of 11th Admission & round Details are given here. Just go through the given Schedule of 11th Admission 2020. The Registration process For Collges is now begin. For updates & Online Application Forms keep visiting us.

‘कोरोना’ मुळे इयत्ता १०वीचा निकाल उशीरा लागणार असल्याने यंदा केंद्रीय पद्धतीने ११वी प्रवेश करू नयेत, ऑफलाईन प्रवेशास मान्यता द्यावी अशी मागणी शिक्षण संस्थांनी लावून धरली होती. मात्र, त्याकडे दुर्लक्ष करत शिक्षण विभागाने ११वी प्रवेश प्रक्रिया सुरू केली आहे. याबाबतची अधिक माहिती www.dydepune.com व इ .११वी ऑनलाईन प्रवेशाच्या https://pune.11thadmission.org.in संकेतस्थळावर उपलब्ध आहे.

सोर्स: लोकमत

Leave A Reply

Your email address will not be published.

व्हाट्सअँप ग्रुप जॉईन करा!